Македонија
Извршниот на ВМРО-ДПМНЕ ја побарал оставката од Цветанов
На последната седница на Извршниот комитет на ВМРО-ДПМНЕ одржана на 16-ти јули, претседателот на паријата Никола Груевски информирал дека анализата и наодите Антикорупциска за директорот на Управата за спречување перење пари, се издржани и се темелат на законските регулативи
Извршниот комитет на ВМРО-ДПМНЕ констатираше дека треба да биде побарана оставка од директорот на Државната комисија за спречување на корупцијата во врска со случајот на Ване Цветанов, се влеи во соопштението на владејачката партија, во кое се нагласува дека таа секогаш се борела против корупцијата и прекршувањето на законите.„Функционерите на ВМРО-ДПМНЕ се тие кои мораат да ги почитуваат сите законски регулативи.Во тоа правило нема милост, ниту за оние кои се стари, ниту за оние кои се нови членови. Цветанов мора да се соочи со фактот дека партиската книшка не му значи ништо ако ги прекршил законите.“, се вели натаму во сооопштението лиферувано до медиумите откако претходно Цветанов писмено ја соопшти својата оставкаОд ВМРО-ДПМНЕ демантираат ги демантираат шпекуалциите дека на Цветанов му била понудена друга функција, како и дека врз него „имало било какви партиски притисоци“, што се содржеше во текстот од оставката на досегашниот директор на Управата за спречување на перење пари и финансирање тероризам.Цветанов беше посочен од страна на Антикорупциска комисија дека овозможил нерегуларно и незаконско трошење на средства од буџетот на Република Македонија, во работењето на оваа Управа во 2008 година.Комисијата како причини за покренување на оваа иницијатива ги наведува, недобивањето согласност од Министерство за финансии за вработување на 29 лица и неприменување на одредбите од Законот за јавни набавки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гром го остави без струја дебарско-струшкиот регион
Дебарско-струшкиот регион синоќа три и пол часа остана без напојување со електрична енергија.
Причина е гром кој ја погодил главната трафостаница во Хидроелектраната “Шпиље” кај Дебар.
„Главната трафостаница во ХЕ “Шпиље” погодена беше од гром-електрично празнење, при силно невреме. Екипите веднаш излегоа на терен и со максимално залагање големиот дефект беше саниран. Дебарско-струшкиот регион остана без струја од 19:50 до 23:20 часот“, велат од ЦУК.
Во Дебарскиот регион без струја беа општините Дебар, Центар Жупа и подрачјето на Река, општина Маврово и Ростуше.
Подрачјето кусо беше зафатено од невреме проследено со обилен дожд, електрични празнење и грмежи.
Македонија
Низ државава се вози по претежно влажни коловози
Сообраќајот на државните патишта се одвива непречено, по претежно влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Најдени се седумгодишното дете и трите лица кои се изгубија кај реката Пчиња
Четири лица, две жени, еден маж и едно дете кои се изгубија, а се на возраст од 29, 18, 35 и 7 години доцна синоќа биле заглавени на исклучително стрмен терен, пред манастирот Мала Богородица по клисурата на реката Пчиња под автопатот Скопје Велес. Спасители со чамец по Пчиња од Катланово стигнале до опасната локација каде што биле залутаните лица и безбедно ги извлекле од десниот на левиот брег, а потоа и до автопатот. Теренот таму е исклучително стрмен и опасен за движење, информираат утрово од Центарот за управување со кризи.