Македонија
Славески не ја исклучи можностa од влез во рецесија
![](https://makfax.com.mk/wp-content/uploads/2016/11/2e8071ef-ce24-4dec-b1d5-5149f3ac957c.jpeg)
Министерот за финансии Трајко Славески денеска не ја исклучи можноста од влез во рецесија
Министерот за финансии Трајко Славески денеска не ја исклучи можноста од влез во рецесија, прогнозирајќи дека стапката на раст во вториот квартал ќе биде околу нулата, јавува Макфакс.
„Официјалните податоци за брутодомашниот производ (БДП) за вториот квартал ќе треба да ги почекаме седумдесетина дена. Сега е тешко да се шпекулира. Мислам дека и вториот квартал стапката на раст ќе биде некаде околу нулата“, изјави денеска Славески по потпишувањето на два важни договори со Европската инвестициона банка.
Славески истакна дека треба да се имаат предвид и актуелните околности, како што е влијанието на светската економска криза, но и силниот втор квартал од 2008 година, кој ќе биде сега предмет на споредба.
Тој појасни дека доколку македонската економија оствари раст нешто над нулата, државата нема да влезе во рецесија.
„Но доколку имаме барем малку негативна стапка и во вториот квартал, а тоа ќе го знаеме во средината на летото, може да се види дека и Република Македонија била под такви околности во рецесија“, рече Славески.
Според него, стапката на опаѓање на брутодомашниот производ (БДП) во првите три месеци секако дека е неповолен факт, но таа е една од најниските во споредба со останатите земји и е ефект на глобалната економска криза во Македонија.
Славески истакна дека не е запознат со изјави на други владини функционери, кој изјавија дека најлошото поминало, но сепак изрази оптимизам дека треба да се очекува подобрување на состојбите.
„Она што треба да се очекува за во иднина се навестувањата од престижните институции дека се очекува рецесијата во светот да заврши до крајот на годината и да има заздравување, кое ќе биде подолгорочно во текот на 2010 година. Тоа е поволна вест за Македонија“, истакна Славески.
Според негово мислење, мерките кој што македонската влада ги презема веќе покажуваат дека се ефективни од аспект на ублажување на острите негативни последици што може да уследат од светската економска криза.
Министерот за финансии информираше дека приливот на буџетските приходи се одвива согласно планираното со ребалансот на буџетот. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.