Свет
"Случајот тетовски "Интерпромет" без завршница
Само затоа што премногу се администрира и притоа се компликува постапката, нема завршница во “случајот тетовски †Интерпрометти, се жалат акционерите.
И покрај пресудата да се поништи приватизацијата
Администрирањето ја сопира ефикасноста, велат акционерите
ГОЈКО ЕФТОСКИ
ТЕТОВО – Само затоа што премногу се администрира и притоа се компликува постапката, нема завршница во “случајот тетовски †Интерпрометти, се жалат акционерите. По барање на државниот обвинител, Врховниот суд на Македонија ја поништи приватизацијата и пресуди 41,01 отсто од капиталот на “Интерпромет° што бил во општествена сопственост, да се одземе од Фадил Алили од селото Порој и да се врати на државата. Во донесувањето ваква пресуда, Врховниот суд ги имал предвид сите претходни неправилности, особено неоснованото намалување на вредноста на делот на општествениот капитал, кој иако достигнал пет милиони евра, бил продаден за околу 400.000 евра.
“Никако да ја истераме правдата на чистина и да се спроведе пресудата на Врховниот суд°, вели Благоја Серафимовски, еден од ополномоштените што ги застапува акционерите на “Интерпромет°. “Месеци поминуваат, а сў тече по старо, како да не се огласил Врховниот суд°. Според него, сў е заглавено на релација Јавно правобранителство, како застапник на државниот капитал, Министерството за финансии, Централен депозитар, Агенција за приватизација.
Пресудата за поништување на приватизацијата на делот од државниот капитал, Врховниот суд ја донел уште на 24 ноември минатата година. Според документацијата на акционерите на “Интерпромет°, таа била доставена во Јавното правобранителство на 18 јануари годинава. Тогаш требало да ја добијат и оние во “Интерпромет°, но и другите што треба да ја реализираат. “Не бевме уверени дека во “Интерпромет° ќе признаат дека ја добиле пресудата, па писмено ги известивме на 1 февруари годинава и побаравме на собрание на “Интерпромет° да се разгледа и да се конституираат органи според новонастанатата состојба. Наместо тоа, на 19 февруари, кога се одржа Собрание, ништо не беше пријавено и ние четворица застапници, заедно со уште 20 акционери, го напуштивме ова собрание. Во меѓувреме, ние одржавме собир под ведро небо, застапувајќи ги интересите на 275 акционери. Откако сў беше обелоденето и познато, не можеме да обезбедиме легитимно спроведување на пресуда на Врховниот суд°, вели Серафимовски. Тој додава дека “во меѓувреме во “Интерпромет° самонаречените газди продолжуваат со реконструкции на објектите, уривајќи доградби и со издавање под долгогодишен наем, што не смее да се прави. Продолжуваат да се однесуваат како ништо да не се случило°, продолжува Благоја Серафимовски.
Тој вели дека на 9 март годинава од јавниот правобранител писмено побарале да издаде предлог за привремена мерка, за да се спречат манипулациите со објектите на “Интерпромет°. Десетина дена подоцна, Јавното правобранителство писмено известува дека “барањата спаѓаат во доменот на управувањето и одлучувањето на акционерите и дека ги има известено сите надлежни органи по однос на исходот од спорот°.
“Не ни е јасно зошто во Централниот депозитар сў уште не е извршено бришење на сопственоста на 28.708 акции од Фадил Адили на државата Македонија, односно Агенцијата за приватизација, иако од одлучувањето на Врховниот суд се поминати повеќе од четири месеци. Не знаеме и зошто Јавното правобранителство ја доставува пресудата на Врховниот суд до Министерството за финансии, а тие во Депозитарот, кога има поедноставна процедура. Ние лично врачивме примерок од пресудата до Централниот депозитар, но сў уште се чека на нејзиното спроведување°, револтирано коментира Благоја Серафимовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хезболах: Непријателот ги премина сите црвени линии, сакаа да убијат 4.000 луѓе одеднаш
За време на телевизиско обраќање, лидерот на Хезболах, Хасан Насралах, детонирањето на пејџери и воки-токи низ Либан го нарече „терористички чин“ и изјави дека „непријателот на Израел ги преминал сите црвени линии“ со намера да убие 4.000 луѓе во еден момент.
Тој призна дека на Хезболах му бил зададен тежок удар, но подвлече дека тоа „нема да го скрши“ отпорот и дека операциите во јужен Либан нема да престанат додека не заврши војната во Газа.
Насралах на почетокот рече дека настаните во изминатите два дена го навеле да го одржи говорот. Тој објасни дека планирал да ја претстави својата анализа и извештај за борбите во изминатата година на 7 октомври, но дека она што се случило во изминатите 48 часа „ја барало оваа порака“.
Тој им изрази сочувство на паднатите на фронтот во јужен Либан и на загинатите како последица на експлозиите, а на повредените им посака брзо закрепнување. Тој им се заблагодари на лекарите, официјалните лица и на сите кои помогнаа во лекувањето на жртвите од нападот и на луѓето кои даруваа крв за повредените и ја поздрави солидарноста и единството на народот во земјата.
Тој подвлече дека експлозиите се случиле во болниците бидејќи пејџерите ги користеле и медицинските работници, како и во аптеките, маркетите, продавниците, куќите, автомобилите и на улиците каде што имало многу цивили.
Насралах изјави дека Израел имал за цел да убие „4.000 луѓе одеднаш“.
„Тоа беше намерата на непријателот и ова е обемот на нивниот криминал. Како да го наречеме овој вид криминална активност? Дали е тоа голема операција? Дали е тоа геноцид? Дали е тоа масакр?“, рече тој.
Тој призна дека на Хезболах му бил зададен „многу тежок“ удар, опишувајќи ги нападите како „невидени“ во Либан. Тој рече дека се формирани истражни комисии кои ќе проучат како се случиле експлозиите и дека ќе ги чекаат резултатите од истрагата.
„Претрпевме многу тежок удар. Но, ова е воена состојба“, рече тој.
Тој рече дека неговата група е свесна дека Израел има технолошка предност бидејќи е поддржан од САД и други технолошки суперсили, но храбро ќе се соочи со овој предизвикувачки момент со крената глава.
„Не може да бидеме скршени од овој удар, колку и да е силен. И можам верно и самоуверено да ве уверам дека овој тежок и невиден удар не нè клекна – и нема“, подвлече тој.
„Јасно велам: без разлика какви се последиците, без разлика на жртвите, без разлика на сценаријата, отпорот во Либан нема да престане да го поддржува отпорот во Газа и Западниот Брег и сите повредени на окупираните територии“, рече Насралах.
Тој изјави дека нападите низ Либан биле насочени кон инфраструктурата на Хезболах и дека тоа е обид да се предизвикаат поделби во неа.
„Нека знае непријателот дека тоа што се случи не ја разниша нашата вера, верба, решителност, подготвеност или инфраструктура. Напротив, нè направи порешителни, поробусни и истрајни. Ако целта на Израелците беше да не разделат од она што се случува во Газа, тоа не успеа“, подвлече тој.
Свет
По расправија извадил нож и солзавец, има повредени: тепачка во трговски центар во Германија
Неколку лица се повредени во тепачка што се случила денеска во трговски центар во Ерфурт, Германија, кога еден маж по расправија извадил нож и го расекол мажот.
Полицијата брзо пристигнала на местото на настанот и го евакуирала трговскиот центар, а според полицијата дошло до вербална, а потоа и физичка пресметка меѓу група лица, кои не се по потекло од Германија, пренесуваат германските медиуми.
Се се случило околу 15 часот и 30 минути, а еден од учесниците во тепачката извадил нож. Како што објави „Билд“, мажот (27) бил пренесен во болница поради сериозни повреди на раката, но неговиот живот не е во животна опасност.
Во трговскиот центар бил употребен и солзавец, па лекарска помош побарале и посетителите на центарот. Се пожалиле дека им горат очите и дека имаат проблеми со дишењето.
Полицијата соопшти дека е приведен маж (26), кој е осомничен дека извадил нож и ранил најмалку едно лице.
„Ве уверуваме дека не се работи за напад, немало опасност за граѓаните“, соопштија од полицијата.
Според написите,не се знае зошто дошло до тепачката, ниту точно колку лица се повредени во инцидентот.
Свет
Велика Британија ги повика граѓаните веднаш да го напуштат Либан
Британскиот министер за надворешни работи Дејвид Лами изрази длабока загриженост за зголемените тензии во Либан, повикувајќи ги британските граѓани да ја напуштат земјата.
Во телефонски разговор со либанскиот премиер Наџиб Микати, Лами ја изрази својата длабока загриженост поради растечките тензии и цивилните жртви во Либан.
Британскиот министер за надворешни работи рече дека разговарале за потребата од преговори за изнаоѓање решение за враќање на стабилноста и безбедноста преку Сината линија.
Лами исто така ги повика британските граѓани да го напуштат Либан, наведувајќи ги како причина зголемените тензии во регионот.
„Тензиите се високи и ситуацијата може брзо да се влоши“, напиша Лами на платформата X.
Во вторникот и средата во различни делови на Либан се случија експлозии на пејџери и радио уреди (воки-токи).
Во експлозиите загинаа најмалку 37 лица, а неколку илјади беа повредени.
Либанската влада и Хезболах го обвинија Израел дека го извршил нападот, а Хезболах вети одмазда.