Македонија
Владата ги демантира тврдењата на Рамковски
Владата ги демантира тврдењата на Велија Рамковски дека владини реклами биле користени за покривање на трошоци поврзани со партиски кампањи.
„Тоа тврдење на Велија Рамковски претставува груба лага и манипулација кое има за единствена цел да направи обид за оттргнување на вниманието на јавноста од она што е фактичка ситуација, а тоа е контролата на државните институции на шест компании лоцирани на истата адреса каде што се наоѓа и А1 Телевизија и основаниот сомнеж дека тие компании имаат направено сериозно и грубо прекршување на законите“ се вели во демнатот.
Рамковски вчера на А1 и на вечерашниот протест за поддршка на А1 рече дека ВМРО – ДПМНЕ ги плаќала партиските реклами на А1 телевизија со државни пари
Завчера новинарите од националната телевизја А1 објавија дека има полициски упад во медиумот како и дека не можат слободно да се движат и да си ги извршуваат своите професионални обврски. МВР пак, соопшти дека телевизијата воопшто не била предмет на нивната истрага и дека се вршела финансиска контрола над шест фирми што се регистрирани на иста адреса каде што е лоцирана и телевизијата, „Перо Наков“ ББ./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Автобусите по неделен возен ред, жичницата нема да работи
ЈСП Скопје извести дека автобусите ќе сообраќаат по неделен возен ред, а жичницата на Водно нема воопшто да работи.
Со оглед на тоа што денот кога се одржуваат парламентарните и вториот круг од претседателските избори е прогласен за неработен за сите граѓани, и автобусите од градскиот јавез превоз ќе сообраќаат по скратен, односно неделен возен ред.
Воедно, жичницата од Средно Водно во врвот Крстовар нема да работи.
Дежурни билетарници од 7 до 14 часот ќе бидат само две, на Транспортен Центар и Ѓорче Петров.
Македонија
Променливо облачно, попладне пороен дожд, грмежи и засилен ветер
Времето денеска ќе биде променливо облачно, попладне и во вечерните часови на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со обилен пороен дожд за кратко време, силни електрични празнења, засилен ветер и појава на град. Минималната температура ќе биде во интервал од 6 до 12, а максималната ќе достигне од 20 до 26 степени.
Во Скопје променливо облачно. Попладне и во вечерните часови ќе биде нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 11, а максималната ќе достигне до 25 степени.
До петок ќе се задржи променливо облачно време, на повеќе места нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и појава на град. Дневната температура од четврток ќе биде во опаѓање. Во деновите од викендот условите за нестабилност ќе се намалат.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.