Свет
Источното партнерство-нов инструмент на ЕУ
Официјален почеток на Источното партнерство-соработка на ЕУ со шест источни соседи, бивши држави на Советскиот сојуз, ќе започне в четврток
Официјален почеток на Источното партнерство-мултилатерална рамка за соработка со шест источни соседи, бивши држави на Советскиот сојуз, ќе започне в четврток во Прага.
Источното партнерство ги опфаќа Грузија, Украина, Молдoвa, Азербејџан, Ерменија и Белорусија, што ЕУ настојува да ги стабилизира.
“Источното партнерство на ЕУ им нуди на своите источни партнери конкретна, далекусежна поддршка за демократски и пазарни реформи, за да на тој начин придонесе за нивната политичка и економска стабилност“, велат во Европската комисија (ЕК).
Самитот, сепак, ќе се одржи без францускиот претседател и премиерите на Британија и на Шпанија, бидејќи чешкото претседателство на ЕУ не успеа да го обезбеди нивното учество.
Истовремено, Комисијата смета дека е потребно да се потенцира оти Партнерството не е свртено против Русија.
“Ние одговараме на желбите на нашите источни соседи, кои сакаат да ги прошират и разбудат своите односи со ЕУ. Русија останува клучен партнер на ЕУ со која моментно се преговара за сеопфатна спогодба“, додава Европската комисија (ЕК).
Државите-членки на ЕУ не се согласни околу крајните цели на Партнерството.
Новите држави-членки, во прв ред Полска, сака на овие држави да им даде перспектива за членство во Унијата, додека Франција, Германија и државите на Бенелукс, не се согласуваат./крај/он/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.