Македонија
Полицијата се судри со дваесетина демонстранти за „Цар Душан“
Дваесетина демонстранти во обид да стигнат до споменикот на Цар Душан кој е поставен на мостот „Око“ се судрија со полицијата и Единиците за брзо распоредување, пренесува ИНА.
Полициското обезбедување веднаш им го ограничи движењето на демонстрантите и ги притисна пред влезот на Старата скопска чаршија, пишува „ИНА“ и додава дека големо полициско обезбедување било распоредено на плоштадот „Филип Втори“, а дел од нив се упатија кон „Мавровка“.
Својот револт демонстрантите го изразиле половина час по што се повлекле.
Полициското обезбедување сé уште останува распоредено пред мостот „Око“.
Безуспешни обиди за уривање на споменикот имаше и претходно, кога група демонстранти успеаја и да ја оштетат статуата. Низ Скопје можеа да се забележат постери со повици за протести, со крајна цел „соборување“ на Цар Душан.
Споменикот предизвика кавги и нетрпение и меѓу пратениците во Собранието. посебно во албанскиот блок.
Пратеникот на ДПА ,Орхан Ибраими, обвини дека ДУИ дале дозвола за споменикот, иако според него цар Душан бил деспот кој убивал Албанци.
Градоначалникот на скопската општина Центар, Андреј Жерновски, формираше комисија која ја испитуваше легалноста околу поставувањето на спомениците на мостот „Око“, меѓу кои и оној на Цар Душан, одлука која веднаш беше поздравена од граѓанското движење „Разбуди се!“.
Зголеменото присуство на полицијата во центарот на Скопје во неколку наврати ја спречуваше толпата која со албанско знаме во рацете се обидуваше да се доближи до споменикот./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.
Македонија
Остануваат уште 9 дена изборна кампања: партиските агенди и денеска набиени
Уште 9 дена изборна кампања. И денеска лидерите на партиите, заедно со носителите на листи, како и кандидатите за претседател, ќе ги презентираат своите изборни програми.
Кандидатот за претседател поддржан од СДСМ, Стево Пендаровски, денеска ќе оствари средба со жителите на село Велебрдо и со жителите на општина Маврово.
Гордана Силјановска Давкова, исто така, ќе има средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола.
Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид.
Во Штип на народен собир ќе се обрати претседателот на Левица, Димитар Апасиев.
Првиот човек на ДУИ, Али Ахмети, ќе се сретне со граѓаните на Струга и Дебар, а претседателот на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир.