Свет
Претседателот на Еквадор во Москва
Претседателот на Еквадор, Рафаел Кореа ја започнува својата тридневна посета на Русија, која медиумите ја нарекуваат историска
Претседателот Рафаел Кореа е првиот еквадорски лидер што некогаш ја посетил Русија и потпишува договор за стратегиско партнерство со Москва. Средбата со Медведев е закажана за утре 29 Октомври.
На вечерта пред своето заминување на пат за Европа, кој започна со посетата на Британија минатата недела, Кореа потенцираше дека Еквадор е заинтересиран за зацврстување на релациите со Русија, трговските и релациите во одбраната, и дека неговата претстојна посета ќе биде примарно фокусирана на „имплементација на претходно потпишаните договори“.
Лидерот на Еквадор покажал и интерес за заем за набавка на руска воена опрема.
Еквадор е еден од клучните трговски партнери на Русија во Латинска Америка, веднаш после Бразил и Аргентина. Минатогодишниот рекорден износ во трговската размена помеѓу Русија и Еквадор изнесувал 935,7 милиони долари.
Во петок претседaтелот Кореа ќе се сретне и со Рускиот патријарх Кирил, а на веб-страницата на Московската патријаршија пишува дека во чест на првата историска посета на еквадорскиот претседател, партијархот Кирил ќе организира посебна екскурзија низ катедралниот храм која ќе заврши со разговор во просториите на патријархот.
Интересен е фактот дека 95 отсто од населението во Еквадор е од римокатоличка вероисповед, а во руралните средини имало појава на синкретизам поради специфичните обреди кои не се признати во римокатолицизмот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.