Свет
Иран најави прекинување на испораките на нафта ако се заострат на санкциите
Иран во вторникот објави дека ќе ги прекине испораките нафта доколку Западот ги заостри санкциите против него и дека има резервен план благодарејќи на кој земјата ќе преживее и без приходите од извозот на нафта.
„Доколку санкциите се засилат, ќе престанеме да извезуваме нафта. Имаме подготвен план за тоа како ќе ја управуваме земјата без приходите од нафтата. Досега немавме посериозни проблеми, меѓутоа доколку санкциите бидат заострени, ќе одиме на тој резервен план Б“, изјави иранскиот министер за нафта Ростам Касами во Дубаи.
„Доколку продолжите да ги засилувате санкциите, ние ќе го прекинеме извозот на нафта во светот. Се надеваме дека тоа нема да се случи, бидејќи тоа ќе биде врз грбот на обичните луѓе, а ние не го сакаме патењето на европските и американските граѓани“, додаде Касами на меѓународниот собир. Истакнувајќи дека прекинувањето на испораките на иранската нафта би предизвикал раст на цените на енергенсот на светските пазар.
Западни извори, пак, тврдат дека поради санкциите Иран речиси го преполовил дневното производство на нафатат, што Техеран решително го отфрла, тврдејќи дека нивото на дневното производство останува целосно исто како и претходно.
„Иран веќе триесет години е соочен со американските санкции, но и натаму успешно го одржува својот нафтен сектор“, напомена Касами.
Покрај тоа, Иран успеал да ги зголеми и рафинериските капацитети, па сега во целост може да ги задоволува домашните потреби од нафтени деривати, коишто до неодамна ги увезуваше во големи количества.
„Дневната потрошувачка на горива во Иран изнесува 90 милиони литри. Претходно голем дел од ова количество го увезувавме, но повеќе не ни се потребни увозните производи. Сега не само што не увезуваме нафтени производи, туку некои и ги извезуваме, секогаш има побарувачка за иранската нафта“, рече уште Касами. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.