Македонија
Груевски: За напредок на Македонија треба да се залагаат сите фактори во земјата

Да се послуша гласот на борците од НОБ кои во манифестот на АСНОМ говореа за зачување на сите вредности остварени со досегашната борба и мобилизирајќи ги сите сили за напредок на наѓата држава, рече премиерот Груевски во обраќањето на свечената академија по повод 11-ти Октомври
Прмиерот Никола Груевски на свечената академија којашто во понеделник навечер се одржа во Домот на АРМ по повод празникот 11 Октомври – Денот на македонското востание, пред високи државни функционери и членови на дипломатскиот кор иако според него има „простор за различни концепти, политички стратегии, несогласувања и разлики, нагласи дека граѓаните на Македонија имаат „заеднички фронт кој мора заеднички да се држи“, „Напредокот во сите полиња мора да биде помогнат од сите политички фактори, целокупната стручна и научна јавност и сите општествено политички чинители“, посочи премиерот Груевски. Како што наведе Груевски, со денешната прослава на 11 Октомври, Македонија го прославува големото дело на борците од НОБ.„Нивното движење, нивната борба и сплотеноста се одличен пример дека никој неможе да ги води нашите битки освен ние самите и дека слободата тогаш, а денес развојот, обединувањето, сплотеноста правдата , борбата за подобар стандард и подобри услови за живот, одржувањето на меѓуетничките соживот и толеранција, целите и активностите да станеме дел од ЕУ и НАТО, да го зголемиме нивото на образование, мора да бидат извојувани, а никако подарени“, рече Груевски.Тој порача дека достоинството на Македонија за кое се воделе битки и се дигале востанија во минатото денес треба да се негуваат како најголемо богатство.„Дел од таа активност, е и наоѓањето решение за спорот што го отвори нашиот јужен сосед, кое решение не смее да го урне нашето достоинство за кое се воделе и битки и се дигале востанија. Тоа прашање и натаму останува предизвик за кој активно ќе бараме решение“, рече Груевски. Меѓу другото, во вечерашниов говор премиерот Груевски се осврна на најавените партиски востанија во државата за кои оцени дека се добри за македонската демократија, но според него тоа траба да претставуваат „востанија на концепти, на стратегии, на напредок, а не на скриени сценарија и раздор“. „ Да се натпреваруваме во идеи, во пректи, да дигнеме востание при интелектуален, вредносен и морален напредок. Подготовките за едно такво наше востание се веќе почнати, ориентирите се веќе поставени и Македонија се движи по нив. Развојот, подобрувањето на стандардот и растот на економијата останува приоритет и покрај светската економска криза“, нагласи Груевски. Во својот празничен говор во Домот на АРМ вечерва, премиерот Груевски се наврати на постигнатите економските резултати на земјата во услови на светската економска криза, при што повтори дека Македонија ја минала со помалку штета. „Интеграцијата на Македонија во ЕУ и НАТО, и покрај блокадите остануават стратешки приоритети. Но, и покрај недокрај оставрената цел заради наметнатата блокада од нашиот јужен сосед продолжуваме со реформите и модернизацијата на земјата. И оваа година направивме напредок во речисии сите полиња кој очекувам соодветно да биде валоризиран во следниот извештај на ЕУ кој го очекуваме наскоро. На тој пат продилжуваме се до целосно и полноправно членство и на тој пат рационално, хумано, човечки и културолошки исправно е да се седнеме на масата со нашите пријатели како Македонци“, порача Груевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена облачност, температурата до 23 степени

Сончево со мала до умерена облачност. Ќе дува слаб до умерен ветер од северен правец. Минималната температура ќе биде во интервал од 0 до 10, а максималната ќе достигне од 15 до 23 степени.
Во Скопје, сончево со мала до умерена облачност. Ќе дува слаб северен ветер. Минималната температура ќе се спушти до 9, а максималната ќе достигне до 21 степен.
Вренето во наредните денови
Под влијание на влажни воздушни маси, од среда ќе преовладува променливо облачно време со повремени локални врнежи од дожд.
Македонија
Делови од Аеродром и Карпош денеска без струја

Од ЕВН Македонија АД известуваат дека денеска без електрична енергија ќе останат:
· од 08:30 до 15:30 часот, корисниците од дел од ул. Божидар Рајковиќ. (Општина Аеродром)
· од 09:00 до 14:00 часот, корисниците од дел од ул. Крчин. (Општина Карпош)
· од 09:00 до 14:00 часот, корисниците од ул. Пелистерска бр. 4. (Општина Карпош)
Македонија
Мицкоски: Едно од главните ветувања минатата кампања беше ДУИ во опозиција и ако продолжат вака нереформирани уште долго ќе останат таму

Изборот кој не враќа назад е веќе виден на централно ниво. Имаа седум години можност да покажат и докажат дека навистина се борат за нивниот дом, т.е нашиот заеднички дом, нашата татковина Македонија. Но видовме дека тие се борат само за нивните хациенди на Халкидики, во Дубаи и скапите јахти коишто ги возат за време на летото по Егејското крајбрежје. Тоа е за нив поимањето на терминот „се бориме за нашиот дом“, рече претседателот на ВМРО-ДПМНЕ, Христијан Мицкоски на денешниот народен митинг во општина Лозово во рамките на кампањата под слоган „Вистинскиот избор! Со твојот човек! За твоето место! За твојата иднина!“ за локалните избори закажани за во недела на 19 октомври.
Мицкоски порача дека токму затоа е убеден дека нема друга алтернатива ниту за Македонија, ниту пак за Лозово, како составен дел од државата, а тоа сегашниот и идниот градоначалник, Бошко Цветковски и ВМРО-ДПМНЕ и коалицијата.
Мицкоски се осврна на трите суштински ветувања во измината изборна кампања ан ВМРО-ДПМНЕ за парламентарните избори кои се исполнија до сега во овие 15 месеци власт, како линеарното покачување на пензиите не само за 5000 денари, туку до март истите ќе се покачат за вкупно 7000 денари за сите пензионери, како 500 милиони денари од владата за општини за реализација на капитални проекти кои го подобруваат животот на граѓаните.
„Третото суштинско ветување беше дека онаа политичка партија, нереформирана, партија којашто во своето раководство има луѓе за кои постои основано сомневање дека сториле криминал, а тоа е партијата која ја предводи Али Ахмети, ДУИ дека нема да биде дел од владата и дека ќе биде опозиција. Како што може да видите тие веќе 15 месеци се во опозиција и вака нереформирани, како што се денес, мислам дека уште долго време ќе бидат во опозиција“, истакна Мицкоски.
Додаде дека и покрај сите предизвици коишто ВМРО-ДПМНЕ ги имаше при преземањето на власта од првиот ден па се до денес, при што беа затечени проблеми за коишто се знаеше дека најголем дел од нив постојат, но со влезот во институциите следеше непријатно изненадување дека државата е речиси пред банкрот, а институциите и темелите на државата беа комплетно разрушени.
„Но, не очајуваме, туку ги засукаме ракавите и почнавме да работиме. А тоа е впрочем она коешто ние го ветувавме за време на кампањата во 2024 година, каде што ветивме многу работа, чесна и напорна“, рече Мицкоски.
Затоа Мицкоски повика масовно да се излезе на гласање и да се гласа за ВМРО-ДПМНЕ со заокружување на бројот 9, за да продолжи работата и напредокот на државата.