Македонија
Груевски: Ништо туѓо не одземаме, но не сакаме ниту да ни одземат
Ние ги почитуваме сите наши соседи и сакаме со нив да соработуваме. Како што и го правиме тоа. Не сакаме никому ништо да му одземеме , ниту територија,
Ние ги почитуваме сите наши соседи и сакаме со нив да соработуваме. Како што и го правиме тоа. Не сакаме никому ништо да му одземеме , ниту територија, ниту култура, ниту историја, ниту ништо што е туѓо , но не сакаме ниту нам да ни го одземат она што е наше. Ние сме толерантен и мирољубив народ и верувам дека ќе најдеме решение за проблемите.
Ваква порака упати премиерот Никола Груевски на денешното обраќање на Мечкин Камен во Крушево, по повод Илинден.
„На заслуженото место во европското семејство ние мора да влеземе гордо и достоинствено за да може да бидеме од полза и да дадеме дополнителна вредност за Европската унија. Тоа значи дека ниту за нас, ниту за нашите почитувани соседи, ниту за Европа не е добро да влеземе со низок морал, девалвиран статус и повредени чувства или како што некој знаат да кажат, со свиткан рбет. Рационално, хумано, човечки и културолошки исправно е да седнеме на масата со нашите пријатели како Македонци“ рече Груевски.
Тој изрази жалење што во 21 век поради блокадата на Грција, Македонија е принудена да ја довршува својата борба за идентитетот, јазикот, името, националноста и самоопределувањето.
„Но тој факт и таа принуденост наметната однадвор од еден наш сосед, да мораме да се занимаваме со предизвици за кои веруваме дека се одамна надминати, нема да нé оттргнат од нашите стратешки приоритети за членство во Европската унија и НАТО , ниту од активностите за севкупната модернизација која треба да ја направиме за нашиот народ да има подобар живот“ рече Груевски.
Во своето обраќање тој ги повтори определбите на Владата за борбата против криминалот и корупцијата, исполнувањето на реформите, како и вложувањата во образованието./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Демократски сојуз ги повикува граѓаните да гласаат за Силјановска и ВМРО-ДПМНЕ
Демократскиот сојуз на Павле Трајанов ги повика граѓаните да гласаат за Гордана Силјановска Давкова и за коалицијата предводена од ВМРО-ДПМНЕ.
-Партиите кои се на власт, кои ги разградија институциите, ја криминализираа државата, ги загрозија националните и државните интереси, ги доведоа граѓаните во очај и предизвикаа масовно иселување, треба да одат во опозиција и да одговараат за грабежот и загрозувањето на опстанокот на државата. Во овие сложени состојби кога се одлучува за иднината на Македонија, Ве повикуваме на масовно гласање за промени, за Гордана Силјановска Давкова (2) и за кандидатите за пратеници на Коалицијата ТВОЈА МАКЕДОНИЈА, предводена од ВМРО-ДПМНЕ (Број 2), се вели во соопштението.
Македонија
Возач загина во сообраќајка на експресниот пат Штип-Кочани, повредени жена и две деца
Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа околу два часот по полноќ се случила на експресниот пат Штип-Кочани.
Во несреќата која била пријавена во 2:24 часот изутрина, учествувало само едно возило. Автомобилот „рено лагуна“ со скопски регистрации излетало од коловозот во близина на клучката кај селото Крупиште.
Возачот – 39-годишен маж од Скопје – починал, а сопатничката и двете деца се здобиле со повреди и се пренесени во болницата во Штип.
Увидот во несреќата е во тек.
Македонија
Битиќи на велигденски јајца кај Спасовски кој му посака здравје низ целата година
Вицепремиерот Фатмир Битиќи бил на гости дома кај екс министерот за внатрешни работи, Оливер Спасовски по повод празникот Велигден.
„На гости во мојот дом беше другарот Фатмир Битиќи, по повод празникот Велигден, Христово Воскресение. Му посакувам здравје низ целата година“, објави Спасовски на социјалните мрежи.