Македонија
Делегација на хрватската армија во Македонија
АРМ и Вооружените сили на Република Хрватска ја продолжуваат одличната соработка како на билатерален план така и во рамките на Јадранската група, соопштија од Министерството за одбрана на Република Македонија.
АРМ и Вооружените сили на Република Хрватска ја продолжуваат одличната соработка како на билатерален план така и во рамките на Јадранската група, соопштија од Министерството за одбрана на Република Македонија.Тесната соработка меѓу вооружените сили на двете земји е посебно изразена во делот на обуката , изведување заеднички вежби, воената едукација, размена на искуства од учеството во мировни мисии и друго.Како што се додава во соопштението од МО, тоа се потврдува и со посетата на високата делегација на Вооружените сили на Република Хрватска, предводена од заменикот на началникот на Генералштабот на Хрватската армија, генерал-полковник Славко Бариќ, којашто од денеска престојува во дводневна официјална посета на АРМ. На средбата во Генералштабот на АРМ, пред делегацијата од Република Хрватска, чиј официјален домаќин е заменикот на началникот на ГШ на АРМ, генерал-мајор Насер Сејдини, е разговарано за можностите за проширување на билатералната соработка меѓу двете армии, како и за размената на искуства и научени лекции од извршувањето на мисиите предводени од НАТО, ЕУ и ООН. Денеска генералот Бариќ се сретна и со заменикот на министерот за одбрана, Емил Димитриев, при што од двете страни било високо оценета соработката во делот на одбраната, која во наредниот период, како што најавуваат од МО, ќе се интензивира.Во рамките на посетата, делегацијата на хрватската војска денеска ќе го посети и Воено-медицинскиот центар на АРМ, а за утре е предвидена средба со Командантот на Здружената оперативна команда на АРМ и посета на Армискиот полигон ,,Криволак“. /крај/со/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.