Свет
Снимка на која докторот го прогласува Џексон за мртов
Снимката на која се слуша гласот на докторот како ја објавува смртта на Мајкл Џексон, се појави на еден интернет форум, пренесува британскиот весник „Телеграф“.
Снимката на која се слуша гласот на докторот како ја објавува смртта на Мајкл Џексон, се појави на еден интернет форум, пренесува британскиот весник „Телеграф“.
На снимката е забележан моментот кога човекот од итната помош се јавил во клиниката „УКЛА Роналд Реган Медикал Центар“ во Лос Анџелес, каде што подоцна поп-пејачот беше префрлен.
„Пациентот е Мајкл Џексон, поп-ѕвезда. Нема пулс, не дише“, вели гласот на снимката, а неколку пати повторува и „не реагира, се обидов да го оживеам но безуспешно. Мислам дека направивме се што можевме, доаѓаме во болница за 5 минути. Мислам дека не е добро“.
Портпаролот на клиниката во Лос Анџелес вели дека нивната пракса не е да го откриваат идентитетот на жртвата преку телефонски повик но не ја исклучува можноста на снимката да е нивниот болничар.
„Не можам да потврдам дека тоа е нашиот лекар, ние не го откриваме идентитетот но сепак е можно“, вели портпаролот на клиниката.
Ако се потврди дека гласот е автентичен, снимката би можела да се искористи како доказ против личниот доктор на Џексон, Конрад Муреј кој е обвинет за убиство од небрежност.
Тоа што се слуша на снимката, а се однесува на состојбата во која бил Џексон во тој момент, е сосема во спротивно од изјавата на Муреј дека Мајкл бил сеуште топол и имал пулс кога бил однесен во болница./крај/ин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.