Свет
Само 1000 долари од такса
Општините и државата губат огромни пари оти сместувањето на туристите во приватните куќи и апартмани во Македонија не се пријавува
ДИВ ТУРИЗАМ
Општините и државата губат огромни пари оти сместувањето на туристите во приватните куќи и апартмани во Македонија не се пријавува
Сместувањето на туристите во приватните куќи и апартмани во Македонија не се пријавува, поради што општините и државата губат огромни пари. За цела година лани во Охрид биле собрани само 50.000 денари такса од приватното сместување. Слична сума се очекува и годинава оти од околу 30.000 легла во приватни куќи колку што според груба проценка има во ова туристичко место само 1.000 се регистрирани во Општина Охрид.
Хотелиерите и туристичките работници велат дека Охрид, најверојатно е и единствениот град во државава кој собира каква таква туристичка такса од приватните сместувачки капацитети. И во Струга, Дојран, Крушево, Маврово, Берово, Попова Шапка, според нив се издаваат соби на туристи, но за нивниот гости сопствениците на сместувачките објекти не плаќаат такса, а и не се пријавуваат во општините дека се занимаваат со туристичка дејност.
Државниот завод за статистика завчера објави податоци дека годинава во Македонија има 2000 туристи повеќе од лани, но за разлика од минатата година помалку останале на спиење. Сега се пријавени 109 ноќевања што е за 1.500 помалку од истиот период лани.
Дончо Таневски, на асоцијацијата на хотелиери на Македонија (ХОТАМ) вели дека наплатата на туристичката такса и годинава е катастрофална.
"Нема евиденција, нема контрола, нема начин да се принудат газдите да работат легално. И да им дојде инспекција може да им напише прекршочна пријава со која ќе се влечкаат по судови. Инспекцијата нема право, како во Хрватска да ги казни парично на самото место или уште пострашно да им го пломбира објектот", ни рече вчера Таневски од ХОТАМ.
Според него во Македонија поради лошиот закон за туризам своите гости ги пријавуваат и за нив плаќаат такса само хотелите и камповите. Но приходот, што се собира од нив вели Таневски е многу мал, бидејќи има само околу 7.000 хотелски легла, што е за 6 до 7 пати помалку од приватните сместувачки капацитети за кои нема евиденција.
"Ние на почетокот на годинава од Министерството за економија побаравме да се донесе нов закон за туризам, да се формира туристичка инспекција која ќе има поголеми овластувања, и да се принудат газдите на приватните сместувачки капацитетите да се регистрираат во општините. До сега ништо од ова не е сторено", вели Таневски.
Секторот за туризам во Министерството за економија нема податоци колку пари годишно се губат од непријавувањето на туристите. Лилјана Илиевска раководител на одделението за тековно следење на состојбите во туризмот вели дека сите што се пријавени дека издаваат соби треба да плаќаат туристичка такса за своите гости.
"Не можам да кажам колку и дали се плаќа бидејќи контролите ги прави пазаришната инспекција" ни изјави вчера Илиевска.
Државниот пазаришен инспекторат Никола Колевски вчера не можеше да каже колку сместувачки објекти биле казнети поради непријавување на гостите. Колевски ни рече дека низ Македонија има 34 канцеларии и од сите да ги собере податоците ќе му требаат неколку дена.
"Можам да кажам само дека се прават редовни тековни контроли на туристичките сместувачки објекти", кратко ни изјави Колевски.
Од 40 денари дневна туристичка такса 70 отсто се уплаќаат на буџетот на Општината во која се наоѓа објектот, а останатите 30 отсто одат во буџетот на државата и со нив се плаќа промоцијата на Македонија како туристичка дестинација.
И.Смиљанска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.