Поранешниот декан и актуелен професор на факултетот за Драмски уметности и директор на Фондацијата Институт отворено општество, Владимир Милчин соработувал со тајните служби.

Поранешниот декан и актуелен професор на факултетот за Драмски уметности и директор на Фондацијата Институт отворено општество, Владимир Милчин соработувал со тајните служби.

Комисијата за верификација на фактите, попладнево неколку часа заседаваше и го разгледуваше неговото произнесување, односно противење во врска со заклучокот дека соработувал со тајните служби. Денеска членовите донесоа решение дека неговата писмена изјава не одговара со податоците со кои располага Комисијата.

Претседателот на Комисијата, Томе Аџиев изјави дека одлуката била донесена со мнозинство гласови, но не сакаше да открие колку од членовите на Комисијата гласале „за“, а колку мина биле против. Тој само потврди дека двајца членови на Комисијата не биле присутни, а некои ја напуштиле седницата, но ги негираше информациите дека решението било донесено без кворум.

„Не е точно дека немало кворум кога се носела одлуката. Двајца членови на комисијата не се присутни едниот е повреден, другиот отсутен. Пред гласањето имало напуштање на седницата. Тоа е тип на гласање, тоа е начин на гласање“ вели Аџиев.

Неофицијално, тројца од членовите на Комисијата не се согласувале со постапката и ја напуштиле седницата, тие тврдат дека денешното решение е донесено без потребниот кворум.

Од единаесет членови на Комисијата, двајца биле отсутни, а тројца членови, Јанаќе Витановски, Благоја Гешоски и Чедомир Дамјановски го напуштиле гласањето со што остануваат шестмина членови.

Со овој број на членови, како што брифираат оние кои го напуштиле гласањето не било обезбедено двотретинско мнозинство што е потребно за да се донесе оваа одлука.

Решението на Комисијата ќе биде изготвено денеска и ќе биде доставено до Владимир Милчин, тој има право во рок од осум дена, по примањето на решението, да поднесе тужба пред Управниот суд и евентуална жалба до Вишиот управен суд.

Професорот на Факултетот за драмски уметности, Милчин целата процедура на Комисијата ја оквалификува како политички линч против него. Притоа Милчин обвини дека крајната цел била неговата Фондација, која се борела за слободата и демократијата. Милчин тврди дека бил следен од службите во поранешна Југославија, а не дека соработувал со нив.

Слично на него се жалеше, поранешниот претседател на Уставниот суд, Трнедафил Ивановски. Освен него лустриран беше и лидерот на Сојузот на титови леви сили, Слободан Угриновски, поранешен судија на Врховен суд и двајца кандидати за пратеници кои не влегоа во Парламентот.крај/фф