Македонија
Маневски останува министер за правда
Собранието кое до доцните вечерни часови вчера расправаше за работата на министерот за правда Михајло Маневски не ја прифати интерпелацијата за отповикување на министерот поднесена од страна на СДСМ.
Собранието кое до доцните вечерни часови вчера расправаше за работата на министерот за правда Михајло Маневски вечерва не ја прифати интерпелацијата за отповикување на министерот поднесена од страна на СДСМ.
Со 16 гласа „за“ интерпелација и 65 „против“ интерпелацијата за министерот Маневски .
За пратеникот Владо Бучковски тоа што власта не ја поддржа интерпелацијата било веќе очекувано, но како што рече нивната цел не била прифаќање или неприфаќање на истата, туку јавноста да чуе аргументирани критики.
Интерпелацијата ја поднесоа 23 пратеници од опозицијата на 26 февруари годинава поради, како што наведуваат во образложението, непотизам во судството, неправилности во финансиското работење на Министерството за правда, скандал со узурпираното земјиште во општествена сопственост, екстремно лошите услови во македонските затвори и политичкиот притисок врз работењето на судиите.
Откако пратеникот Бучковски ја образложи интерпелацијата, министерот Маневски рече дека ги отфрла сите наводи како неосновани.
Според пратениците од владеjачкото мнозинство, интерпелацијата содржела само лични навреди и напади за министерот Маневски и оти истата била мотивирана од лични причини на некои политичари од СДСМ./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.