Свет
Шкотска во 2014 година на референдум ќе одлучува за излез од Велика Британија
Шкотскиот премиер Алекс Салмонд потврди дека референдумот за независност на Шкотска од Велика Британија ќе се одржи во есен 2014 година.
Шкотскиот премиер Алекс Салмонд потврди дека референдумот за независност на Шкотска од Велика Британија ќе се одржи во есен 2014 година.Според него, до тогаш Шкотите ќе имаат доволно време за донесување на разумна одлука за својата иднина во заедничката држава, пишува Би-Би-Си. На ваквата одлука најверојатно ќе се спротивстави Лондон кој претходно на Шкотите им постави услов референдумот да го распишат во следните 18 месеци.Шкотската национална партија на чело со Салмонд во мај минатата година лесно победи на изборите и успеа сама да формира влада. Оваа партија во предизборната кампања се обврза дека ќе подготви и ќе одржи референдум за шкотската независност во вториот дел на нивниот мандат. /крај/ббц/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.