Една жена која спиела во метро станица во Бруклин починала откако била запалена во неделата наутро, соопшти њујоршката полиција.

Осомничениот е имигрант од Гватемала кој влегол во САД во 2018 година, додаде полицијата. Тој мирно и пришол на жртвата која била во седечка положба и најверојатно и ја запалил облеката со запалка која за неколку секунди се разгорела.

NYPD has arrested Sebastian Zapeta, a Guatemalan migrant, accused of setting a sleeping woman on fire on a New York subway and watching her burn to death. pic.twitter.com/Hv70Jl51W7

— Tiffany Fong (@TiffanyFong_) December 23, 2024

За гаснење на пожарот била повикана итна помош, но на местото на настанот била констатирана смрт на жената. За тоа време, осомничениот мирно седел на станицата, но неговиот чин бил снимен од камерите и бил препознаен од сведоци.

Засега нема повеќе информации за жртвата. Њујоршкото метро во текот на зимските месеци често е рај за бездомниците кои бегаат од студот. Во Њујорк во моментов времето е студено, а ноќните температури се спуштаат до -10 степени.

Најмалку седум лица загинаа во падот на мал авион синоќа во шумска област во западната мексиканска држава Халиско.

„Авион Цесна 207 кој летал од Ла Парота, во соседната држава Мичоакан, доживеа несреќа и падна во тешко пристапна област“ во источниот дел на Халиско, напиша на платформата Икс, цивилна заштита, објавувајќи фотографии од местото на несреќата.

#ENTÉRATE 🚨 *Accidente aéreo, Quitupan, Jalisco*

La tarde de este domingo, una avioneta tipo Cessna 207, proveniente de La Parota, Michoacán, sufrió un accidente aéreo, desplomándose en una zona boscosa de difícil acceso.

1/4 🧵 pic.twitter.com/CRNTp5txJw

— Protección Civil JAL (@PCJalisco) December 23, 2024

Полицијата, прва на местото на настанот, „прелиминарно пријавила смрт на седум лица“, но жртвите се уште не се идентификувани. Несреќата се случила недалеку од Мазамитла, регионална туристичка дестинација, пишува Франс Прес.

Мост кој поврзува две бразилски провинции на северот на земјата се урна синоќа, при што загина најмалку едно лице, а се излеа сулфурна киселина во реката Токантинс.

Одделот за државна транспортна инфраструктура соопшти дека во попладневните часови се урнал централниот дел на мостот долг 533 метри што ги поврзува градот Естреито во државата Маранхао и Агиарнополис во државата Токантис.

BRAZIL: A Bridge connecting Maranhão to Tocantins has collapsed. Three trucks fell into the water and at least one person died, according to information from the Federal Highway Police.pic.twitter.com/9uUSeL9U02

— Volcaholic 🌋 (@volcaholic1) December 22, 2024

Камион кој превезувал сулфурна киселина паднал во реката, јавува Ројтерс.

Пожарникарите соопштија дека едно лице загинало, а според првичните проценки, во моментот на уривањето на мостот имало најмалку единаесет лица.