Македонија
Изгоре свињарска фарма во Велес
Изгореа свињарска фарма на клучката кон автопатот Велес – Скопје, сопственост на Живко Лазов јавува Лисица.
Изгореа свињарска фарма на клучката кон автопатот Велес – Скопје, сопственост на Живко Лазов јавува Лисица.
Тој остана и без земјоделската механизација откако утрово избувна пожар во неговата фарма. Пожарот го забележале случајни минувачи кои ја алармирале пожарната служба и полицијата.
„Гасевме со две линии од две страни, имаше две експлозии, првата ја предизвика тракторот. Според кажувањата на сопственикот во просторијата имало 300 литри нафта. Пожарот го гасневме час и половина“ рече командирот на смена, Љупчо Лепидевски.
Како настанал пожарот кој најнапред се појавил на горниот спрат каде се чувале лесно запаливи средства полицијата ќе соопшти по завршување на целосниот увид.
Сопствениците се сомневаат дека пожарот е подметнат. Сомнеж постои и кај пожарникарите.
„На самото место на влезната врата, на капијата од страната на патот значи видовме дека ланецот е пресечен, а катанецот не е отклучен. Потоа сопствениците ме прашаа дали ние видовме дека било провалено бидејќи и на долниот дел, а и на балконската врата беа скршени цилиндрите односно алките беа пресечени. Значи се сомневаат дека подметнатиот пожар е од горниот кат на објектот“ рече Лепидовски.
Првичните нецелосни проценки се дека настаната материјална штета е три милиони денари. Сопственикот на фармата е татко на поранешниот пратеник Горанчо Лазов./крај/лисица/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.