Свет
Русија ќе гради балистички проектил тежок 100 тони за пробив на одбраната на САД
Русија ќе развива нов интерконтинентален балистички проектил (ИЦБМ) на течно гориво кој ќе може да го надвладее претстоечкиот американски систем за одбрана од проектили, изјави во петок началникот на единиците за стратешки проектили, генерал-мајорот Сергеј Каракајев.
Русија ќе развива нов интерконтинентален балистички проектил (ИЦБМ) на течно гориво кој ќе може да го надвладее претстоечкиот американски систем за одбрана од проектили, изјави во петок началникот на единиците за стратешки проектили, генерал-мајорот Сергеј Каракајев.
„Проектот се состои од создавање на нов вид на тежок проектил кој ќе се лансира од силос, тежок 100 тони и кој ќе има засилена способност да го пробие хипотетичкиот американски систем за одбрана од проектили“, вели тој.
Новиот проектил би го заменил постоечкиот ИЦБМ „Војевода Р-36М2“.
Генералот истакна и дека постоечките проектили на тврдо гориво најверојатно нема да бидат способни да го пробијат американскиот систем за одбрана и додаде дека неговата единица в година ќе тестира 11 ИЦБМ.
САД и Русија се во жесток спор околу предвидениот американски систем за одбрана од проектили, кој треба да биде поставен во Европа и кој треба да штити од ракетни напади од Иран и од други „нефункционални“ држави.
Русија, пак, тврди дека Иран нема ниту технологија, ниту, пак, индустриски потенцијал да произведува проектили кои би ја загрозиле територијата на Европа и смета дека американскиот одбранбен систем е насочен против Русија. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.