Меморандум за соработка за реализирање на заеднички проекти, потпишаа денеска Министерот за здравство, Бујар Османи и директорот на Националната фондација за трансплантација (НФТ), Владимир Чадиковски.

Меморандум за соработка за реализирање на заеднички проекти, потпишаа денеска Министерот за здравство, Бујар Османи и директорот на Националната фондација за трансплантација (НФТ), Владимир Чадиковски.

Потпишувањето на меморандумот беше во присуство на претставници на граѓанските организации „Нефрон“, „Хепта“, и „Пеперутка“.

Според министерот Османи, потпишувањето на Меморандумот е голем чекор, бидејки после долги години овој значаен сегмент од медицината кој може да спаси голем број човечки животи ќе добие нов импулс и енергија која ќе обезбеди подинамичен развој.

„За развојот на трансплантацијата, не е доволно да постои само закон, медицинска опрема или стручен кадар, туку е потребен и општествен консензус“ истакна Османи.

Со самото потпишување на Меморандумот, Османи најави дека во документот се дефинира соработката на заеднички проекти од областа на здравството во сегментот на условите за земање, разменување, пренесување и пресадување на делови од човечкото тело заради лекување.

„Европскиот Парламент во раните 80-ти години во преамбулата на Резолуцијата посветена на трансплантацијата има запишано дека развојот на демократијата на една држава се проценува и преку системот на трансплантација во таа држава“ додаде Османи.

Владимир Чадиковски, директор на  Националната фондација за трансплантација ги изрази своите очекувања дека по 15 години со потпишувањето на Меморандумот ќе им се овозможи помош на голем број луѓе во државата.

„До крајот на јуни годинава, ќе биде изготвена нацрт-верзија која ќе ги содржи основните параметри на оваа тема, а истата ќе биде предадена на разгледување на Министерството за здравство, на Лекарската комора и на медиумите“ рече Чадиковски./крај/ир/