Македонија
Се интензивира донесувањето ДУП-ови во Општина Аеродром
![](https://makfax.com.mk/wp-content/uploads/2016/11/00489b4d-ef28-485f-ac30-7164edb02e91.jpeg)
Општина Аеродром го интензивира процесот на донесување на деталните урбанистички планови со цел што поскорешна и што поефикасна реализација на програмата за нејзин урбан развој
Така, Советот на Општина Аеродром на 10-та седница донесе одлука за два нацрт-детални урбанистички планови, кои веќе од понеделник ќе бидат ставени на јавна презентација во најблиските основни училишта.Станува збор за ДУП-от за локалитетот Горно Лисиче З и измена и дополнување на ДУП-от за локалитетот Индустриска зона В блок 7 и 8, од кои првиот ќе биде изложен во ОУ „Лазо Ангеловски, а вториот во ОУ „Љубен Лапе“, и тоа од 27 јули до 10 август 2009 г. во работните денови од 12 до 19 часот. Исто така, во основното училиште „Браќа Миладиновци“ во тек е јавна расправа за ДУП-от што се однесува на локалитетот Јане Сандански Г, која ќе трае до 4 август 2009 г.Претходно, пак, Советот на Општината со мнозинство гласови донесе три нови детални урбанистички планови, и тоа за локалитетите „Јане Сандански“ урбана единица А, Реонски центар УЕ А и Црква урбана единица А. Донесувањето на новите ДУП-ови практично значи дека се отвора патот за влез на нови инвестиции во општината, како и за изградба на паркинг места, улици, урбанистичко и хортикултурно уредување на просторот, а што е од витална важност за жителите, со овие ДУП-ови се овозможува да се врши и надградба на постојните станбени објекти.Со ДУП-от за локалитетот Горно Лисиче З се предвидува изградба на препумпна станица за фекални води, трафостаница, на спортски терени, како и парковско зеленило, со ДУП-от за локалитетот Јане Сандански Г е предвидена изградба на спортски објекти покрај кејот на реката Вардар. ДУП-от за Реонскиот центар, пак, има повеќе развојни компоненти, меѓу кои објекти за средно и основно образование, детска градинка, парк со игралиште, како и комерцијални објекти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Мицкоски од универзитетот Џон Хопкинс: Македонските граѓани за европската перспектива дадоа како никој досега
![](https://makfax.com.mk/wp-content/uploads/2024/07/08072024-Mickoski-predavanje-Johns-Hopkins-1.jpg)
Претседателот на Владата, Христијан Мицкоски при својата неколкудневна посета на САД, денеска оствари предавање на престижниот Универзитет Џон Хопкинс во Балтимор, каде покрај на темите важни за Македонија, се осврна на повеќе теми од интерес на регионот и пошироко.
„Најголем приоритет на Владата пред се ќе биде зајакнување на економијата. А таа не може да расте, ако нема одлучна борба против криминалот и корупцијата. Мораме да се соочиме со криминалот и корупцијата ако сакаме да ја развиеме нашата држава за следната генерација. Има голема коалиција помеѓу одредени политичари, судии, обвинители и бизнис елита, и ние мора да ја разбиеме таа коалиција, во спротива ќе потфрлиме исто како сите наши претходници и би биле поразени“, потенцира Мицкоски.
Претседателот на Владата истакна дека трите најважни паларии ќе бидат инвестициите во енергетиката, Интер конекторот на гас како и вложувањата во инфраструктурата.
Премиерот соопшти дека од самиот почеток тргнал со идејата за распуштање на судскиот совет и советот на јавни обвинители, затоа што тие две институции имаат само 2 отсто доверба меѓу граѓаните.
„Кога има проблем треба да се соочиме со него и да се даде решение. Има експерти кои се против, но никој не дава решение како да се реши истиот. Ние сега имаме статус кво, но ќе ја продолжиме нашата борба, во насока да донесеме правда и надеж, тие два столба одат заедно, во спротива би потфрлиле“, кажа Мицкоски.
Тој рече дека ќе се бори за своите ставови, ќе се соочи со аргументи со сите експерти, затоа што народот е гладен за правда.
Премиерот се осврна и на ветото на Бугарија. Тој истакна дека треба да се разговара за вистински добрососедски односи, но тие да бидат двонасочни, македонските граѓани премногу жртвуваа за европската перспектива и доста е со понижувања.
„Ние не сме политичари полни со наводи за криминал и корупција какви има во регионот. Ќе ги штитиме нашите интереси, подготвени сме да разговараме со аргументи, да ги презентираме истите, да видиме чии аргументи ќе преовладеат. Македонските граѓани за европската перспектива дадоа како никој досега“, изјави Мицкоски.
Од друга страна Мицкоски се задржа и на актуелното прашања со Украина.
„Мојата држава е огромен донатор за Украина. Собранието гласаше за огромна поддршка за Украина. Ние сме меѓу топ 5 доставувачи на помош по глава на жител во светот“, истакна премиерот Мицкоски, истакнувајќи дека ние не сме толку голема и богата држава, но сме направиле максимални напори во насока да ја поддржиме Украина и украинскиот народ.
Македонија
Министерот за правда Филков и Дејвид Гир разговараа за реформите во правосудството
![](https://makfax.com.mk/wp-content/uploads/2024/07/filkov-gir.jpg)
Министерот за правда Игор Филков денеска оствари средба со шефот на делегацијата на ЕУ во земјава, Дејвид Гир.
Се разговараше за состојбата со тековните и планираните реформски чекори во судството, , евроинтегративните процеси, Стратегијата за реформи во правосудството 2024-2028,состојбата со Судскиот совет , затворите како и борбата против корупцијата и организираниот криминал.
Во однос на законодавната агенда која треба да се реализира во периодот кој претстои се планира отворање на широка јавна дебата на сите засегнати чинители во која ќе бидат слушнати мислењата на експертската и општата јавност со цел да се дојде до најдобри реформски решенија за реализација на програмските цели на Владата .
Министерот Филков посочи дека во изминатите 10 дена откако ја презеде функцијата е информиран и целосно запознаен со процесот на преговори во делот на Поглавјето 23,, Правосудство и фундаментални права”, Планот за раст и 7-те цели од Реформската агенда, вклучување на невладините организации во дискусиите, како и активностите поврзани со реализација трите тековни проекти, еден од ЕУ и два од УСАИД.
Филков ја истакна определбата дека спроведувањето на реформската агенда е приоритет на државата при што останува клучна поддршката од ЕУ за стабилноста на земјата со надеж за продолжување на билатералната соработка во духот на заедничките вредности.
Делегацијата на ЕУ предводена од евроамбасадорот Гир ја поздрави посветеноста кон реформската агенда и ја истакна максималната поддршка за евроинтеграцискиот процес како и подготвеноста за континуирана соработка и обезбедување на сета потребна помош за спроведување на клучната реформска агенда.
Македонија
Гаши на парламентарниот самит на НАТО во Вашингтон
![](https://makfax.com.mk/wp-content/uploads/2021/11/afrim-gashi-alternativa.jpg)
Претседателот на Собранието, Африм Гаши, престојува во Вашингтон, САД, каде што ќе учествува на Парламентарниот самит на НАТО, во рамки на Самитот на Алијансата, по повод 75-годишнината од нејзиното формирање.
Самитот е во организација на Парламентарното собрание на Алијансата и ќе се одржи утре (9 јули), а покрај претседателот на Собранието, поканети се и претседатели на парламенти и шефови на делегации во ПС на НАТО од сите други земји членки.
За време на настанот, Гаши утре ќе има свое обраќање. На овој самит учествува и пратеникот Миле Талески, како в.д. претседател на Делегацијата на Собранието во ПС на НАТО.
Во текот на посетата на Вашингтон, предвидени се повеќе билатерални средби на претседателот Гаши со странски државници и високи американски претставници.
Делегацијата на Претставничкиот дом на САД во ПС на НАТО е домаќин на Парламентарниот самит, на кој ќе се соберат лидери на парламенти од 32 земји членки, како и Украина. Најавено е учество на 23 претседатели на парламенти.
Овој собир на високо ниво треба да ја покаже важноста на парламентарната димензија на Алијансата и да ги нагласи ставовите на сојузничките парламенти за клучните приоритети.