Контакт

Македонија

Уште осум пожари се активни на територијата на Македонија

Објавено пред

На целата територија на земјата до 11 во неделата активни се уште осум пожара, известуваат до Дирекцијата за заштита и спасување.

dobivaj vesti na viber

Активни се пожарите во општина Тетово, кај селото Вејце кон село Селце, во општина Македонски Брод кај селото Волче кај местото Црквица на падините на Сува Гора, во општина Кочани кај селата Костин Дол и Полаќи кон Вранинци, во општина Чашка кај селото Ораше на локалитетот Орашка Чука и кај селото Богомила, во општина Новаци кај селата Добровени и Сович, како и во општина Гевгелија каде пожарот е активен, но е ставен под контрола.

Пожарите во општина Јегуновце кај селото Вратница и општина Студеничани кај селото Рамни Габер, исто така, сé уште сe активни.

Локализирани се пожарите кај Националниот парк „Јасен“, во општина Струга кај селото Радуч на планината Јабланица. како и во општина Сопиште кај селата Патишка Река и Дражилово.

Од ДСЗ информираат дека се ликвидирани пожарите во општина Гостивар, кај селата Лакавица и Митрови Крсти и пожаот во општина Прилеп кај селото Царевич на локацијата Мајнов Дол.

Со пожарот во општина Тетово кај селото Вејце кон село Селце, кој е активен и во неделата, зафатена сува трева и букова шума.

Активниот пожар во општина Македонски Брод кај селото Волче на место викано Црквица во подножјето на планината Сува Гора, зафати деградирана шума, ниско стеблеста шума, сува трева, како и две напуштени куќи. На местото на пожарот ангажирани се лица од територијалната противпожарна единица и од Јавното претпријатие „Македонски шуми“.

Активен е и пожарот во општина Кочани кај селата Костин Дол и Полаќи кон Вранинци. Таму гори дабова шума, смрека и габер. Ангажирани се осум пожарникари со две противпопжарни возила и поеќе од десет вработени во Јавното претпријатие „Македонски шуми“.

Пожарот во општина Чашка кај селата Ораше на локалитетот Орашка Чука и кон селото Богомила, исто така е активен и се шири во правец кон Прилеп, кон селото Стровје. Со него е зафатена површина од 200 хектари млада борова шума, даб и бука. За негово гасење се ангажирани дваесетина лица од „Македонски шуми“.

Активен е но приземјен, како што информираат од ДЗС, и пожарот кој избувна уште на 25-ти август во општина Новаци меѓу селата Добровени и Сович на местото викано Крстот, на оддалеченост од 40 километри од Битола, Со пожарот е зафатена површина од 2.500 хектари смрека, деградирана шума, даб и црн бор на непристапен терен. За гасење на пожарот ангажирани се десетина лица од „Македонски шуми“.

Пожарот во општина Гевгелија меѓу селата Коњско и Хума кај Оков рид е активен но ставен под контрола. Тој зафати површина од 1.300 хектари мешана, борова, дабова и ниско стеблета шума. За негово гасење се ангажирани пожарникари со едно противпожарно возило, 25 вработени од Јавното претпријатие „Македонски шуми“ и десетина волонтери од месното население.

Пожарот во Општина Јегуновце кај селото Вратница кон Беловиште со кој е зафатена високо стеблеста шума и бука на напристапен терен и натаму е активен.

Повторно е активен и пожарот во општина Студеничани кај селото Рамни Габер. Со пожарот зафатена е високо стеблеста шума, а со него се спратуваат врабтоените од локалната подружница на „Македонски шуми“.

Пожарот кој се појави на 20-т август јан Националниот парк „Јасен“ кон селото Брезница и општина Македонски Брод е локализиран. Зафатена е површина од 5.000 хектари мешана шума. За негово гасење се ангажирани 25 лица од Дирекцијата за заштита и спасување, пет лица од територијалната противпожарна единица со две противпожарни возила и дваесетина лица од „Македонски шуми“.

Пожарот што избувна на 31-ви август во општина Сопиште кај селата Патишка Река и Дражилово е, исто така, локализиран. Со него е зафатена смрека и сува трева, а на местото на пожарот се лица од „Македонски шуми“.

Локализиран е и пожарот во општина Струга кај селото Радуч на планината Јабланица. Со него е зафатена букова шума, пасиште и сува трева. Пожарот избувна на надморска височина од 1.800 метри на непристапен терен. За гасење на пожарот ангажирани се вработени до „Македонски шуми и пожарникари со противпожарно возило.

Пожарот во општина Гостивар кај селата Лакавица и Митрови Крсти е ликвидиран. Со истиот беше зафатена ниско стеблеста шума, папрати и стара сечена шума.

Ликвидиран е и пожарот во општина Прилеп кај селото Царевич на место викано Мајнов Дол со кој беше зафатена површина од 300 хектари мешана шума, бука, габер и даб./крај/со/мф

Македонија

Мицкоски: Да излеземе да гласаме, за да не можат да не’ уценуваат никогаш повеќе

Објавено пред

Претседателот на ВМРО-ДПМНЕ, Христијан Мицкоски вечерва порача дека изборите се финална одлука за тоа дали Македонија ќе биде вратена назад на народот или ќе остане киданапирана во рацете на стотина луѓе.

dobivaj vesti na viber

„Да ја отфрлиме апатијата и цинизмот и наместо тоа да ја прифатиме моќта на нашиот колективен глас да донесе значајни промени. Заедно надминавме безброј предизвици, преживеавме бури и напредувавме со непоколеблива решителност. И сега, додека стоиме на прагот на новото поглавје во приказната на нашата нација, да го искористиме овој момент со храброст и со одлучност. Пријатели, браќа и сестри, Нашата победа е на дофат. Но, не е доволно само да веруваме во подобро утре. Мора да дејствуваме. Мора да се мобилизираме. Мора да гласаме. За да немаат можност да нѐ уценуваат никогаш повеќе! Ве повикувам да излезете на избори со гордост и со одлучност“, порача Мицкоски.

Како што додаде, сите сме свесни во каква состојба е државата и што се случува околу нас. Оправдано, вели Мицкоски, многумина од вас велат ја изгубивме државата, затоа што гледаат дека институциите не функционираат, ја препознаваат корупцијата која е широко распространета, знаат дека политичарите не мислат на нив, туку само на себе.

„Тоа мора да престане. Мора да престанат разочарувањата и поделбите.Затоа што, има само една Македонија. Нема социјал-демократски планини, и вмро-вски реки, нема градови и села на дуи, или на алијанса и беса, или алтернатива, нема езера на левица или на Знам, тоа е една единствена Македонија. Нема социал-демократска или вмровска Македонија. Има само една Македонија. И ова е говорено многупати претходно но никој ништо не превзел. И се додека тоа не го сфатиме сите, и одговорно се однесуваме кон тоа, затоа што е крајно време, и ова е ми се чини и нашата последна шанса, се до тогаш, не е можен просперитет. Мора да сфатиме дека има само една Македонија и сите сме нејзин составен дел и дека таа не е ништо без нас и ние без нејзе, и дека од тоа каква е и каква ќе биде, зависат нашите животи и животите на идните генерации“, порача Мицкоски.

Прикажи повеќе...

Македонија

Сиљановска-Давкова до младите: Не бегајте од Македонија, на 9 мај ќе почне нова демократска македонска историја

Објавено пред

На 8 мај мора да ја повторите лекцијата од 24 април. Да научат како се однесува народот. Мора да им одржиме лекција дека народот легитимира, народот делегитимира. На овие избори се случува чудо, не доаѓаат само реки од народ од Македонија, туку и нашите Македонци од странство. На младите им порачувам, не бегајте од Македонија, не одете си! На 9 мај ќе почне нова демократска македонска историја. Ќе имаме нова одговорна власт, порача на митингот во Прилеп, кандидатката за претседателка поддржана од ВМРО-ДПМНЕ, Гордана Сиљановска-Давкова.

dobivaj vesti na viber

„Немојте да дозволите оние кои повикуваат на бојкот да ви го суспендираат избирачкото право. Тоа е ваше! Излезете и гласајте! Така ставате камче во новиот темел на демократска Македонија! Надежта ја гледам секој ден на лицата на младите, кај возрасните! Знаат дека се ближи ново време, ново македонско доба во која улога ќе имаат сите без оглед на припадноста. Времето на знаење, ум, креација доаѓа! Вие го направивте правиот избор на 24 април. Не се сомневам дека нема да го бојкотирате она што е ваше, избирачкото право. Сигурна сум дека ќе го направите вистинскиот избор на 8 мај. А потоа, заедно ќе го славиме Денот на победата над фашизмот. Тој ден ги обедини сите и повторно сите ќе не обедини. Ама сега за повисоки цели. За право и правда! За држава каква што заслужувате! Ве молам размислете, ние немаме друг избор. Македонија! Македонија вечна! Македонија сме ја наследиле, ќе ја оставиме на идните поколенија! Македонија горда! Како што се гордеам јас на Ченто, да се гордеете вие на вистинските чекори што сте ги направиле на 24 април и на 8 мај“, порача Давкова.

Прикажи повеќе...

Македонија

Таравари: Ветувам дека кога ќе ја формираме Владата ќе трчаме уште посилно отколку во кампањата

Објавено пред

„Со верба ветувам дека јас и сите челници на ВЛЕН кога ќе ја формираме Владата ќе трчаме уште посилно отколку во кампањата“, ова беше првото јавно ветување што Арбен Таравари го даде на големиот митинг во Тетово, додавајќи дека по 8ми мај нема да им биде удобно во кожните фотелји, туку ќе работат уште повеќе за сите.

dobivaj vesti na viber

Таравари нагласи дека иако имал многу понуди од Али Ахмети, тој избрал да биде со народот.

„Не сакам да се задржам многу. Оваа кампања беше незаборавно искуство за мене! Најдов пријатели и тим како ВЛЕН, видов и предавство од некои, кај кои како и кај секој предавник останува само сенка, но во повеќето најдов многу верба и храброст! Имав многу понуди од Али Ахмети, понуди на кои некои мои сопартијци не можеа да одолеат… но јас избрав да бидам ти. Горд сум што го направив овој избор и нека ни е Среќна Победата!“ – истакна Таравари.

Убеден во победата, Таравари рече дека Историската промена ќе остане запаметена како Револуција на светлата.

„Сега сè започна со некои светла од мобилни телефони, кои се палеа дури и кога режимот викаше дека ги гаси светилките на народот… овие светилки се спротивставија… се зголемија и денес тие се светлината на слободата што ја дигнаа земјата на нозе! Сега ги поканувам моите колеги од ВЛЕН на сцената и сакам сите да се фотографираат со вашите светла и да знаат сите дека оваа Историска промена ќе биде запаметена како Револуција на светлата. Господ да ве благослови!” рече Таравари во своите завршни зборови пред илјадници граѓани во Тетово.

Прикажи повеќе...

Најново

Македонија3 часа

МВР: Во Чашка приведени две лица поради сомнеж за изборен поткуп – фатени се со пиштоли, списоци и пари

Денеска во 15.20 часот полициски службеници од Одделението за криминалистичка полиција при СВР Велес го приведоа И.И.(52) од село Мелница,...

Македонија7 часа

Од полноќ почнува изборниот молк

На полноќ почнува изборниот молк пред парламентарните и вториот круг од претседателските избори, кои ќе се одржат в среда. Изборниот...

Топ8 часа

Деца натепани од врсници на Бит Пазар пред зградата во која живеат

Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит...

Топ8 часа

Избоден малолетник во Куманово, пренесен е болница

Малолетно момче било избодено синоќа во Куманово. Од МВР велат дека момчето се здобило со повреди и било пренесено во...

Свет8 часа

Италија: Лани лично го предупредивме Зеленски, контраофанзивата беше грешка

Италијанскиот министер за одбрана изјави денеска дека економските санкции наметнати на Русија не успеале и го повика Западот да направи...

Свет15 часа

Путин издаде наредба: Вооружените сили на Русија ќе вежбаат употреба на нуклеарно оружје

  Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството...

Македонија15 часа

Возач загина во сообраќајка на експресниот пат Штип-Кочани, повредени жена и две деца

Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа...

Македонија15 часа

Битиќи на велигденски јајца кај Спасовски кој му посака здравје низ целата година

Вицепремиерот Фатмир Битиќи бил на гости дома кај екс министерот за внатрешни работи, Оливер Спасовски по повод празникот Велигден. „На...

Македонија15 часа

Мојсоска: Усеини од ДУИ доби 500 000 евра од ДПМНЕ во Охрид

Охридската гимназија, цела година е со раскопан двор. Учениците се заложници на неспособната локална власт, предводена од ДПМНЕ. Парите на...

Македонија16 часа

На полноќ настапува молк пред вториот круг од претседателските и парламентарните избори

На полноќ завршуваат кампањите за вториот круг од претседателските избори и за парламентарните. Кампањата за претседателските избори започна веднаш по...

Свет16 часа

Израел почна да ги евакуира палестинските цивили од Рафа

Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на...

Свет16 часа

Во Северна Кореја за првпат оваа година се положи заклетва на лојалност за роденденот на Ким Џонг Ун

За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано...

Свет16 часа

Во Мексико пронајдени телата на исчезнатите туристи, биле најдени на дното во бунар

Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви...

Свет17 часа

Белоруски министер за надворешни работи: Украина се обидува да пренесе оружје на територијата на Белорусија за напад

Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви...

Свет17 часа

Во регионот Суми, високонапонски објект на Укренерга оштетен во руски напад

Високонапонскиот објект на Националната енергетска компанија „Укренерго“ е оштетен во рускиот напад со беспилотни летала и ракети врз регионот Суми...

Економија1 ден

Хрватска е привлечна за балканските работници поради платата, станува збор за многу пари

„Сезоната за извоз на работна сила практично започна веќе во април, поточно за келнери, готвачи и други работници во угостителството...

Македонија2 дена

Митрески: Заедно и сплотени да ги надминеме сите предизвици

Претседателот на Собранието на Република Северна Македонија, Јован Митрески, во име на пратениците и во лично име, упати честитка по...

Македонија2 дена

Мицкоски: Поучени од христијанските начела, да си ја сакаме државата, ближниот и да направиме се утре да биде подобро од денес

Претседателот на ВМРО-ДПМНЕ Христијан Мицкоски од негово лично име и од име на партијата упати честитка до сите верници по...

Македонија2 дена

Ковачевски за Велигден: Добрината и мудроста да бидат нашиот патоказ, храбрите одлуки секогаш носат успех

Претседателот на Социјалдемократскиот сојуз на Македонија, Димитар Ковачевски, по повод големиот христијански празник Воскресение Христово – Велигден, упати честитика до...

Свет2 дена

Изборот за песна на Евровизија започнува за два дена, Шведска го очекува во страв

Мониста и штрас или пропалестински демонстрации и пароли? Изборот за песна на Евровизија, кој започнува во вторник во шведскиот град...