Свет
Командантот Мујо бил изрешетан со 8 куршуми
Првичната истрага покажала дека убиството не било планирано, туку осомничениот Горан Стојковски – Линка кога видел дека Мујо му го дави синот го грабнал пиштолот, кој го поседувал со дозвола и убил
ОСОМНИЧЕНИОТ ЗА ДВОЈНОТО УБИСТВО ВО КУМАНОВО ВО БЕГСТВО
Првичната истрага покажала дека убиството не било планирано, туку осомничениот Горан Стојковски – Линка кога видел дека Мујо му го дави синот го грабнал пиштолот, кој го поседувал со дозвола и убил
Горан Стојковски – Линка, осомничен за убиството на Горан Георгиевски – Мујо и Ненад Вељковски – Чавка, вчера се уште беше во бекство, недостапен за полицијата. Шпекулациите во кумановската чаршија дека вчера наутро Стојковски сам се предал на органите на прогон, од СВР Куманово ги демантираат и тврдат дека тие засега немаат сознанија каде се крие. Обдукцијата на телото на Георгиевски покажала дека тој починал од повреди нанесени од 7 куршуми во пределот на градите и една во раката. Наодот од обдукцијата на Вељковски вчера не беше пристигната од Скопје.
Здравствената состојба на ранетиот Роберт И. кој се уште се наоѓа во Ургентниот центар во Скопје е подобра и не е во животна опасност. Мотивите за убиството на Мујо и Чавка не се утврдени оти недостасува исказот на осомничениот Стојковски.
Од полициски извори дознаваме дека првичната истрага покажала дека убиството не било планирано, а дека најверојатно во момент на силна раздразливост и афект, кога видел дека Мујо му го дави синот, осомничениот посегнал по пиштолот, кој го поседувал со дозвола и убил.
Крвавата пресметка се случи завчера во 1 часот по полноќ пред ноќниот бар “Линка”, кога поранешниот командант на “Лавовите” заедно со уште неколкумина пријатели се обидел да влезе во дискотеката. Синот на осомничениот, Марко Стојковски, го спречил поради што Мујо се нафрлил врз него и почнал да го дави. Напомош му дошол татко му Горан и со неколку куршуми смртно ги ранил Мујо и Чавка, а ги повредил Марина и Драган Илиќ и Роберт И. Во Медицинскиот центар во Куманово Горгиевски им подлегнал на повредите, а Вељковски починал во Ургентниот центар во Скопје. По крвавата пресметка сопственикот на барот “Линка”, Стојковски со својот автомобил побегнал.
Вчера напладне на градските гробишта во Куманово почнаа да се собираат млади луѓе и поранешни припадници на единицата за брза интервенција “Лавови” од сите краеви на државата. Некои од нив беа облечени во црни маици со обележјето на “Лавовите” и испишани имиња на убиените.
С. Н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Турист во Италија уништил фрески стари речиси 2000 години
Холандски турист уништил ѕид со фрески во античка римска куќа во Херкуланеум, во близина на Неапол, оштетувајќи ја зградата што ја преживеала вулканската ерупција на Везув во 79 година од нашата ера, соопшти денеска италијанската полиција.
Во соопштението на полицијата се вели дека 27-годишниот турист бил брзо идентификуван откако вработените во археолошкиот локалитет откриле графити исцртани со црн, неизбришлив фломастер на бел дел од насликан ѕид.
Полицијата соопшти дека тоа е потпис на маж кој сега се соочува со обвинение за оштетување на уметничкото дело.
Помалиот град од неговиот попознат сосед Помпеја, Херкуланеум бил покриен со подлабок слој пепел, кој ги заштитил неговите урнатини од крадци и оставил особено добро сочувани остатоци.
Како одговор на зголемениот вандализам, Италија оваа година воведе построги казни за оние кои ги оштетуваат спомениците и културните места, одредувајќи казни до 40.000 евра.
Свет
Кристоферсен: НАТО има две до три години да се подготви за одбрана од Русија
Началникот на Генералштабот на норвешката армија, генерал Еирик Кристоферсен денеска изјави дека НАТО има две до три години да се подготви за одбрана пред Русија повторно да биде во можност да изврши конвенционален напад.
„Во еден момент некој рече дека ќе ни требаат 10 години, но мислам дека се работи за помалку од 10 години поради индустриската база што сега постои во Русија“, рече генералот Кристоферсен, пренесе Блумберг.
Тој посочи дека ќе биде потребно „некое време“ за спроведување на овој план, кој им дава простор на сојузниците на НАТО да ги обноват своите сили и резерви во следните две до три години, истовремено поддржувајќи ја Украина.
„Норвешка, членка на НАТО од 1949 година, не забележа значителна промена во однесувањето на Русија на својата граница во последната година, вклучувајќи ги нуклеарните сили и нејзината северна флота, но руските копнени сили на полуостровот Кола беа десеткувани по големите загуби во Украина“, рече тој.
Норвешкиот парламент допрва треба да одобри план со кој речиси ќе се удвои распределбата за одбранбениот систем во следните 12 години со цел да се прилагоди на заканите, со фокус на поморската и воздушната одбрана, пренесува Танјуг.
Свет
Уапсени 18 лица во Полска: планирале непријателски активности во име на Русија, вклучувајќи и убиство на Зеленски
Полските власти уапсија 18 лица под сомнение дека планирале непријателски активности и саботажи во име на Русија и Белорусија, вклучувајќи го и убиството на украинскиот претседател Володимир Зеленски, соопшти денеска министерот за внатрешни работи Томаш Сјемоњак.
Полските власти поврзаа некои неодамнешни подметнати пожари или обиди за подметнување пожари со агенти спонзорирани од Русија. Меѓу уапсените во последните месеци има државјани на Полска, Белорусија и Украина, се наведува во соопштението на Агенцијата за внатрешна безбедност.
Семењак рече дека актите на саботажа се јасно дел од поширок план кој вклучува сајбер напади, притискање на мигрантите да преминат од Белорусија во Полска и загрозување на нејзината безбедност, бидејќи ја поддржува Украина во нејзината одбрана од инвазијата на Русија.
Полјак беше уапсен во април под обвинение дека е подготвен да шпионира за руското воено разузнавање и да учествува во наводен заговор за убиство на Зеленски, соопштија полските обвинители.
Тој, наводно, побарал контакт со Руси директно вклучени во војната во Украина и се очекувало да пренесе детални информации за стратешкиот аеродром во југоисточна Полска, во близина на границата со Украина.