Македонија
„Цивил“ бара итни чекори за надминување на нетрпеливоста
Невладината организација „Цивил – Центар за слобода“ по вчерашниот инцидент на Кале апелира до Владата, до политичките партии и граѓанското општество да преземат итни и решителни чекори за надминување на состојбата.„Владата мора да се зафати со работа, а не да игра улога на немоќен набљудувач и коментатор на настаните. Огромен дел од одговорноста за влошувањето на меѓуетничките односи лежи токму во практиките на оваа Влада. Ова особено се однесува на донесувањето и спроведувањето на проекти кои немаат никаква врска со потребите и реалноста на оваа земја“ се вели во соопштението на невладината.Тие бараат стопирање на проектите на Владата кои според нив не ја одразуваат реалноста. „Бараме од сите политички партии, без оглед на нивната позиционираност, големина и ориентација веднаш да дадат недвосмислени изјави во кои ќе го повикаат своето членство на разум, толеранција и почитување на човековите права и слободи“ апелираат од „Цивил“.Освен до институциите, „Цивил“ праќаат апел и до граѓаните на Македонија, „да ги урнат ѕидовите што стојат меѓу нив“.„Не дозволувајте да ве понесат опсесијата и лудилото. Оваа состојба не води кон добро ниту за вас, ниту за поколенијата што доаѓаат. Една војна веќе нанесе многу зло. Уште една ќе значи катастрофа за оваа земја. Тоа што политичките фигури го зборуваат, некогаш звучи добро, но најчесто е мотивирано од жедта за власт и популарност. И личната добивка. Ѕидовите се кренати високо над нашите глави. Поделеноста е наша реалност“ апелираат од Цивил./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.
Македонија
Сиљановска Давкова на Самитот на иднината во Њујорк
Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска треба да се обрати на Самитот на иднината на тема „Мултилатерални решенија за подобро утре“ со учество на шефови на држави и влади.
Целта на Самитот на иднината е државите членки да ја зголемат меѓусебната соработка која, како што се нагласува, е се поважна за човековиот опстанок, но е тешко да се постигне во атмосфера на недоверба, користејќи застарени структури кои повеќе не ги одразуваат денешните политички и економски реалности.
Во фокусот на Нацрт-пактот се човековите права, родот и одржливиот развој во сите поглавја. Содржи поглавја за одржлив развој и финансирање за развој, меѓународен мир и безбедност, наука, технологија и иновации и дигитална соработка, младите и идните генерации и трансформирање на глобалното владеење. Меѓудругото, се бара земјите членки да се согласат и за реформи што се однесуваат на Советот за безбедност, но тоа најверојатно нема да се случи.
На Самитот треба да бидат усвоени и Декларација за идните генерации и Глобален Дигитален договор.