Свет
Во голема операција на Кавказ убиени 16 бунтовници
Руските специјалци спроведоа операција против бунтовниците на подрачјето на Северен Кавказ во која се убиени 16 лица, пренесува РИА Новости.
Руските специјалци спроведоа операција против бунтовниците на подрачјето на Северен Кавказ во која се убиени 16 лица, пренесува РИА Новости. Како што пишува руската агенција, станува збор за најголема операција на руските федерални безбедносни сили од крајот на март кога во Ингушетија беа убиени 19 бунтовници. Во неа во текот на изминатите два дена се убиени 16 припадници на нелегални паравоени формации, меѓу кои бил и лидерот на бунтовниците од регионот на Кабардино-Балкарија. Паралелно продолжува и потрагата по лидерот на кавкаските милитантни од страна на руските власти наречен „терорист број 1“, Доку Умаров, за кој се претпоставува дека со неговата група го пробил полицискиот обрач и успеал да избега кога минатиот месец беше блокиран во Ингушетија. Шестмина од бунтовниците се убиени во четвртокот во три операции против терористите во Дагестан. Според Националниот антитерористички комитет (НАК), во Махачкала, при пружање отпор во обид да биде уапсена група предводена од браќата Билал и Курбан Магомедов, во горската област на Цумадинскиот реон, биле ликвидирани и Магомед Ибрагимов, Равиљ Халитов и извесен Мурат наречен „Сајдулах“. Исто така, во куќа во селото Шаонјан во Кизлијарската област специјалците го убиле еден од водачите на локалната паравоена група, Ахмет Рамазанов, додека неговиот братучед Хабиб Рамазанов го положил оружјето и се предал.Уште десет бунтовници биле убиени денеска, кога во рамките на истата операција руските безбедносни сили влегле во местото Прогрес во Кировскиот регион на границата со Кабардино-Балкарија. На повикот да се предадат, бунтовниците отвориле оган на што им било возвратено и по неколкучасовна престрелка биле ликвидирани. Меѓу нив бил идентификуван и водачот на групата, 40-годишниот Аскер Џапуев наречен „Абдула“ кој станал првиот човек на ткн. „Обединет вилает на Кабарда, Балкарија и Карачаја“ откако во мај 2010 г. беше убиен дотогашниот водач Анзор Астемиров. Џапуев е обвинет за убиство на деветмина чувари и ловци во селото Лечинкаји во 2007 г. како и за убиството од јануари 2008 г. на полицискиот началник Анатолиј Кјаров. Џапуев во февруари годинава во Приелбурс стрелал врз група туристи од Москва при што беа убиени три а ранети две лица:/крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ги нарече Индија и Јапонија „ксенофобични земји“: Не сакаат мигранти, а тие се она што не прави силни
Американскиот претседател Џозеф Бајден ги нарече Индија и Јапонија „ксенофобични земји“ затоа што не сакаат да примат мигранти.
Тој го рече ова за време на говорот на настанот за собирање средства за неговата изборна кампања, во средата навечер, на донаторска вечера пред публика составена претежно од Азиски Американци., пишуваат тамошните медиуми. Бајден рече дека претстојните избори во САД се за „слобода и демократија“ и дека економијата на земјата напредува поради нив и многу други, „бидејќи САД ги пречекуваат имигрантите“.
„Зошто Јапонија има економски проблеми? Зошто Индија? Затоа што се ксенофобични. Тие не сакаат мигранти, а тие се она што не прави силни, бидејќи имаме прилив на работници кои сакаат да бидат тука и сакаат да придонесат“, додаде американскиот претседател.
На овие зборови на Бајден досега не реагираа ниту јапонската ниту индиската влада.
Свет
Директорката на американското разузнавање: Русија напредува на бојното поле, но војната во Украина нема да заврши наскоро
Директорката на Националната разузнавачка служба на САД, Аврил Хејнс денеска оцени дека војната во Украина нема наскоро да заврши, а развојот на ситуацијата на домашен и меѓународен план е во корист на рускиот претседател Владимир Путин.
Хејнс пред Комитетот за вооружени служби на Сенатот изјави дека Русија ги интензивирала нападите врз украинската инфраструктура за да ја намали способноста на Киев да распоредува војници и оружје, да го забави военото производство и да ја принуди Украина да ги разгледа преговорите.
„Сè поагресивните тактики на Путин против Украина, како што се ударите врз енергетската инфраструктура на Украина, имаат за цел да создадат впечаток во Украина дека продолжувањето на борбата само ќе ја зголеми штетата за Украина и нема да понуди пат до победата“, рече Хејнс.
Говорејќи пред Комитетот за проценка на заканите на САД во 2024 година, таа рече дека „оваа агресивна тактика веројатно ќе продолжи“ и „војната нема да заврши наскоро“.
Хејнс изјави дека Русија напредува на бојното поле и дека нејзините сили наскоро би можеле да направат тактички пробив во Доњецк и Харков, пренесува Танјуг.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.