Македонија
Отворен едукативен центар за Јава програмери
Со почетокот на работата на првиот авторизиран едукативен центар за Јава обуки во Македонија ќе се зголеми бројот на ИТ професионалци од оваа област
Со почетокот на работата на првиот авторизиран едукативен центар за Јава обуки во Македонија ќе се зголеми бројот на ИТ професионалци од оваа област.
Како резултата на соработката со SUN Microsystems, Семос едукација доби дозвола за одржување едукативни тренинзи за Јава програмери, кои на крајот на обуката ќе добијат сертификат, по многу пониска цена од оние во другите земји како Унгарија и Велика Британија.
Македонија се здоби со статус на регионален понудувач на овие тренинзи, а отворени се центри и во Албанија и во Косово. Од Семос најавуваат отворање центри и во Србија, Хрватска и Бугарија.
„Јава обуките за регионот ќе значат зголемување на бројот на комплетните програмери кои ќе го користат Јава програмскиот јазик, а со тоа и зголемување на дефицитарниот кадар од областа“, рече Валентина Тасева директорка на Семос.
Семос едукација како партнeр на Sun Misrosystems ќе испорачува тренинг програми и сертификација на индивидуалци, бизниси, национални институции и секаде каде е потребно да се зајакнат стратешките ресурси на организациите и луѓето./крај/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.