Регион
Унгарија најави референдум за мигрантските квоти за 150 дена
Унгарскиот министер за правда ја обвини во петокот Европската унија за пречекорување на овластувања, бидејќи на членките им ги наметнува мигрантските квоти, и најави дека Будимпешта референдум за тоа прашање би можела да одржи за најмалку 150 дена.
Дека унгарската влада решила да организира референдум за задолжителните квоти на Европската унија за мигрантите, изјави во средата премиерот Виктор Орбан. „Владата одлучи дека ќе се одржи референдум за прашањето за задолжителните квоти. Владата во овој момент реагира на јавното мнение. Сметаме дека воведувањето на квотите за мигрантите без поддршка од народот е еднакво на злоупотреба на овластувањата“, за мигрантите, изјави на прес-конференцијата Орбан без да прецизира кога ќе се одржи референдумот.
Неговата десно ориентирана влада досега го отфрлаше планот за квотите, а во декември се жалеше до европскиот суд против квотите кои во септември минатата година го усвои Европската унија. Унгарија не се согласува и со Европската комисија и со некои земји членки на ЕУ во пристапот кон бегалската и мигрантската криза, со кој имаат намера да ги растоварат од притисокот земјите коишто се први по притисокот – Италија и Грција.
„Нашиот став е дека ЕУ нема овластувања да нареди населување на луѓе во која и да е земја. ЕУ нема таква јуриздикција“, изјави во петокот унгарскиот министер за правда Ласло Трокчањи. Додаде дека референдумот би се одржал најрано за 150, а најдоцна за 250 дена, бидејќи потребно е да биде спроведен правен процес./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.