Свет
„Фершпед“ незаконски доприватизиран

Извештајот за приватизацијата на скопски „Фершпед“ е готов, а даночните инспектори и во оваа, трета контрола на документите на компанијата, утврдиле низа неправилности во приватизацијата, дознава „Време“.
Извештајот за приватизацијата на скопски „Фершпед“ е готов, а даночните инспектори и во оваа, трета контрола на документите на компанијата, утврдиле низа неправилности во приватизацијата, дознава „Време“. Контролата во „Фершпед“, фирма на познатиот бизнисмен Штерјо Наков, цели шест месеци ја вршеа инспектори на Управата за јавни приходи (УЈП), а по барање на Јавното правобранителство.
Министерот за финансии завчера само потврди дека извештајот е готов, но ниту од Министерството ниту пак од УЈП вчера не сакаа да кажат никакви детали за тоа што содржи извештајот и зошто уште не го испратиле до правобранителството.
Поповски таква изјава даде и во септември годинава. Тогаш министерот соопшти дека УЈП ќе ги достави наодите од проверката на документите за приватизацијата на „Фершпед“ веднаш откако ќе ги допрецизира. Сега, по три месеци допрецизирања, министерот само соопшти дека правобранителот многу брзо ќе го добие извештајот.
– Случајот беше многу сложен и затоа УЈП внимателно работеше на него и тоа траеше шест месеци – рече Поповски завчера во интервју за телевизијата А1.
Извори во Управата тврдат дека извештајот ги потврдува неправилностите во приватизацијата на „Фершпед“, а одложувањето на обзнанувањето на овој документ било политички мотивирано, особено пред најавените предвремени парламентарни избори. Од јавното правобранителство, од каде што веќе еднаш ургираа побрзо да го добијат извештајот, вчера само потврдија дека уште не стигнал. Кога ќе го добиеле, веднаш ќе го разгледале.
Случајот „Фершпед“ беше отворен по барање на антикорупциската комисија, за која не беше потребна последната, трета контрола во компанијата. Тие бараа правобранителството да отвори судски процес за законитоста на приватизацијата на фирмата врз основа на веќе направените две контроли. И овие контроли покажале дека при приватизацијата се фалсификувале акционерските книги, а акциите се купувале со пари на самата фирма. И покрај укажувањата, правобранителството нарача нова контрола, која УЈП законски беше должна даја спроведе.А. К. М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Премиерот на Канада: Путин се плаши да се сретне со Зеленски

Рускиот претседател Владимир Путин се плаши да се сретне со украинскиот претседател Володимир Зеленски за да разговара за условите за завршување на војната, изјави канадскиот премиер Марк Карни на заедничката прес-конференција со германскиот канцелар Фридрих Мерц.
Како што објави Укринформ, Карни рече дека Путин постојано поставува нови услови и ги одложува работите затоа што се плаши од состанокот. Според канадскиот премиер, Зеленски е подготвен да се сретне со Путин на која било неутрална територија.
Премиерот на Канада нагласи дека Зеленски не очекува Путин да дојде во Киев или дека самиот ќе патува во Москва за таков состанок. Сепак, секоја неутрална локација би била прифатлива, додаде Карни.
Тој рече дека е клучно сојузниците на Украина да продолжат да даваат поддршка додека не се одржи таков состанок.
Фото: принтскрин
Свет
Зеленски: Од украинска страна, сè ќе биде што е можно поподготвено за да се стави крај на војната

Украинскиот претседател Володимир Зеленски објави дека во текот на оваа недела претставниците на таа земја ќе имаат повеќе меѓународни контакти, што би можело да биде чекор кон завршување на војната со Русија, како и дека „сè ќе биде максимално подготвено за завршување на војната“ од украинска страна.
„Оваа недела ќе има контакти со Турција, ќе има контакти со земјите од Заливот, со европските земји, што може да биде платформа за разговор со Русите“, рече Зеленски во вечерното видео обраќање, пренесува Укринформ.
Тој рече дека е важно земјите-партнери на Украина да го потврдат ова.
„Дури и во иднина, сè ќе зависи исклучиво од волјата на светските лидери, првенствено на Соединетите Американски Држави, да извршат притисок врз Русија“, нагласи Зеленски.
Според него, потребни се нови чекори и нов притисок преку санкции и царини за да се принуди Русија да ја заврши војната.
„Тукушто одржав состанок со дипломатскиот тим – Министерството за надворешни работи, Канцеларијата, сите. Подготвуваме нови контакти со лидерите на земјите партнери. Очекуваме дека наредните недели ќе бидат многу активни“, додаде Зеленски.
Фото: принтскрин
Свет
Трамп: Нема да има светска војна, но ќе има економска

Претседателот на САД, Доналд Трамп, изјави дека е подготвен да воведе економски санкции врз Русија доколку рускиот претседател Владимир Путин не се согласи на прекин на огнот, предупредувајќи на сериозни последици.
„Сакаме да заврши. Имаме економски санкции. Зборувам за економски бидејќи нема да влеземе во светска војна“, рече Трамп.
Трамп не постави нова временска рамка за спроведување на санкциите доколку војната во Украина не престане, објави Си-Ен-Ен.
„Нема да има светска војна, но ќе има економска војна. Ќе биде лошо за Русија“, рече Трамп.
Тој изрази надеж дека сè уште постои пат до медијација во постигнувањето договор за прекин на војната во Украина.
Трамп, исто така, повторно посочи дека украинскиот претседател Володимир Зеленски носи дел од вината за конфликтот.
„Она што мислев дека ќе биде најлесно, се покажа како најтешко“, рече Трамп за војната во Украина, наведувајќи дека сè уште мисли дека ќе може да помогне во прекинувањето на тој конфликт.
Трамп неколку пати се закани со воведување санкции кон Русија ако не ја заврши војната во Украина и постави временски рамки за тоа, но подоцна ги продолжи, потсетува CNN.
Фото: принтскрин