Барањето на банките од клиентите да пополнат формулар за политичка изложеност не е спротивно со законот и е дел од европската регулатива и пракса.

Барањето на банките од клиентите да пополнат формулар за политичка изложеност не е спротивно со законот и е дел од европската регулатива и пракса.

Ова во петокот на брифинг во Скопје го објави Управата за спречување на перење пари и финансирање тероризам (УСППФТ).

Пополнувањето на формуларот за политичка изложеност од страна на клиент при воспоставување на деловен однос со банка се очекува до април 2010 година да стане и редовна законска обврска во Македонија.

Ова е еден од критериумите и стандардите на Европската унија што Македонија треба да ги исполни во своите настојувања за полноправно членство.

Некои банки во Македонија веќе почнаа да ја применуваат оваа пракса, иако уште не е законска обврска.

Од УСППФТ го поздравуваат овој чекор на банките, бидејќи сметаат дека тоа е прашање на деловна политика на банките, а на тој начин подготвени ќе ги дочекаат новите законски измени.

Под политички експонирани личности, согласно постоечки закони, се дефинирани физички лица на кои им била доверена истакната јавна функција во рок од најмалку една година.

Во ова група спаѓаат претседатели, премиери, министри, заменици министри, пратеници, врховни и уставни судии, амбасадори, воени функционери, функционери во јавни претпријатија, како и членовите на нивните фамилии.

Од Управата посочуваат дека во последната година соработката на оваа институција со банките бележи одличен прогрес. /крај/ап/