Свет
Момче починало поради родителска казна
Десетгодишното момче Џонатан Џејмс починло како последица на дехидрација, бидејќи таткото и маќеата не му давале да пие вода!
Несреќното момче без вода издржало цели пет дена, за потоа да колабира пред очите на својот брат близнак, Џозеф. Малиот Џонатан Џејмс бил сурово казнет затоа што една вечер мокрел во креветот. Светските медиуми наведуваат дека таткото Мајкл Џејмс и маќеата Тина Алберсон биле уапсени поради малтретирање на детето. Бабата на Џејмс раскажала дека Џозеф сакал да му помогне на својот брат близнак, но се плашел дека доколку биде откриен, дека и тој ќе заработи иста казна. Бабата се плаши за судбината на својот внук, бидејќи како што вели „тој е во шок“. Двете деца живееле со својата мајка, а летото го минувале кај таткото. Таткото и неговата партнерка на полицијата и’ раскажале дека детето било болно и дека тие се обидувале да му помогнат. Обдукцијата на телото, меѓутоа покажала дека детето починало од дехидрирање. Доколку таткото и маќеата бидат прогласени за виновни, тогаш, тие можат да добијат затворска казна и до 99 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина, на барање на Киев, доколку Русија ја пробие линијата на фронтот. Според него, „многу земји од ЕУ“ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува Танјуг.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.
Свет
Во Берлин нападната сенаторка, трет напад врз владин политичар за само неколку дена
Германската полиција соопшти дека поранешната градоначалничка на Берлин, сенаторката Франциска Гифај била нападната во локалната библиотека каде непознат маж ја удрил одзади со торба наполнета со тежок предмет, а потоа побегнал.
Во нападот Гифај, која сега е министерка за економија на Берлин и член на партијата СПД на канцеларот Олаф Шолц, беше полесно повредена.
Нападот врз Гифаи е трет напад врз владин политичар за само неколку дена, пренесува Ројтерс.