Најмалку едно лице загина, а две други беа повредени во голем руски напад со беспилотни летала и ракети врз Киев во текот на ноќта. Украинската престолнина беше потресена од експлозии што траеја со часови, а пожари избувнаа во неколку населби, вклучувајќи градинка и неколку станбени згради. Чад ги исполни и станиците на метрото што жителите ги користеа како засолништа.

Како што објавија локалните власти, низ цела Украина повеќе пати се огласила тревогата за воздушни напади, во текот на ноќта, и тоа само неколку дена откако претседателот Володимир Зеленски ја покани Москва на мировните преговори што треба да се одржат следната недела во Турција.

На 19 јули, Зеленски објави дека Украина предложила нова рунда преговори со Русија, по состанокот меѓу рускиот претседател Владимир Путин и турскиот претседател Реџеп Таип Ердоган. „Дијалогот со руската страна за размена на затвореници е сè уште во тек – ги спроведуваме договорите постигнати на претходниот состанок во Истанбул“, рече Зеленски. „Нашиот тим работи на нова размена“.

Во меѓувреме, Русија ги засили нападите врз градови далеку од фронтовските линии во последните недели, сè повеќе користејќи комбинација од беспилотни летала и ракети.

За време на ноќниот напад врз Киев, во 1:52 часот по локално време, избувнал пожар на покривот на деловна зграда во градот, потврди шефот на воената администрација на Киев, Тимур Ткаченко. Потоа експлозиите одекнаа низ целиот град: првата серија беше пријавена во 2:16 часот наутро, а другата во 2:25 часот наутро. Нападите продолжија до околу 4 часот наутро.

Filthy Russian savages bombed Kyiv all night, raining missiles and drones onto apartment buildings, shopping areas, even targeting a metro station where hundreds of people were sheltering.

The world continues to allow it. Hopefully one day Ukraine can return the favor. pic.twitter.com/vHZzaJ1JYp

— Jay in Kyiv (@JayinKyiv) July 21, 2025

Градоначалникот на Киев, Виталиј Кличко, извести дека во областа Днепровска горат киосци на отворено, а станбени згради биле запалени и во областите Шевченковски и Днепровски. Во нападот била изгорена и градинка, но, според Кличко, таму немало повредени.

Едно лице загинало во нападот, потврди Ткаченко: „За жал, имаме информации за едно лице кое починало“. Подоцна додаде дека едно лице е рането. Кличко, исто така, извести дека уште едно лице е повредено во пожар во станбена зграда.

Локалните медиуми објавија дека чад ја исполнил метро станицата Лукијанивска, каде што жителите се засолниле за време на нападот. „Влезот во метро станицата е оштетен, но нема информации за повредени“, рече Ткаченко.

Нападот започна со активирање на воздушната одбрана во регионот на Киев во 23:40 часот на 20 јули, а до 00:24 часот сите региони на Украина беа под закана од воздушен напад. Во 3 часот наутро, повторно беше прогласена воздушна тревога за целата земја откако полетаа руски авиони.

A russian strike hit the entrance of a metro station in Kyiv packed with people sheltering from the ongoing attack. pic.twitter.com/1WZCW2gTWt

— Kate from Kharkiv (@BohuslavskaKate) July 21, 2025

Во западниот град Ивано-Франкивск, градоначалникот Руслан Марцинкив извести дека воздушната одбрана била активирана и во 3:13 часот наутро. Прозорци биле скршени во едно село и имало извештаи за повредени, рече тој во 5:09 часот наутро. До 6:05 часот наутро, уште три села биле погодени, а инфраструктурата била оштетена.

„Ова е најголемиот напад од почетокот на инвазијата“, рече Марцинкив. Тоа е најновиот во серијата напади на Русија насочени кон градови далеку од фронтовските линии, што ги поттикна сојузниците на Украина да ги заострат санкциите кон Москва и да ја потврдат континуираната воена помош.

Фото: принтскрин

Во раните утрински часови, Москва и околината беа погодени од голем напад со дронови. Жителите на Зеленград и други предградија пријавиле силни експлозии – неколку згради претрпеле оштетувања, а прозорците биле искршени од експлозиите.

Во едно маало се запалиле два автомобили, најверојатно од паднати делови од дрон. Луѓето во селото Голубво изјавиле дека ѕидовите и прозорците им се треселе од силните детонации.

🇷🇺💥🇺🇦The massive attack on Moscow continues: cars are burning in Zelenograd

▪️The Russian army destroyed 14 enemy UAVs that attacked Moscow, Sergey Sobyanin reported at 2:20.

▪️Another 3 UAVs were destroyed from 22:00 to 1:16.

▪️Emergency services are working at the sites of… pic.twitter.com/napqMJV3gY

— 𝐃𝐚𝐯𝐢𝐝 𝐙 🇷🇺 🇷🇺 (@SMO_VZ) July 19, 2025

Градоначалникот на Москва, Сергеј Собјанин, соопшти дека руската противвоздушна одбрана соборила најмалку 16 дронови кои се движеле кон градот. Поради нападот, сите аеродроми во Москва – Шереметјево, Домодедово, Внуково и Жуковски – привремено го прекинале авиосообраќајот.

Руското Министерство за одбрана соопшти дека за една ноќ се соборени вкупно 93 дронови во девет различни региони, од кои 19 само над Москва.

Главниот град на Авганистан се соочува со сериозна водна криза која станува се’ поопасна и неподнослива за локалното население. Со растечката популација и климатските промени, подземните води од кои Кабул зависи драстично се намалуваат, а околу 80% од нив се контаминирани, што доведува до здравствени проблеми кај граѓаните.

Според податоците на хуманитарната организација „Мерси Корпс“, во последната деценија нивото на подземните води во Кабул опаднало за околу 30 метри, предизвикувајќи пресушување на речиси половина од бунарите во градот. Годишната потрошувачка на вода надминува 44 милиони кубни метри повеќе отколку што природата може да ја надополни.

Многу семејства се принудени со часови да чекаат или да плаќаат високи цени за вода од приватни снабдувачи. Една од нив е и Рахила, мајка на четири деца, која секое утро излегува со канти за да обезбеди вода за пиење.

„Немаме вода, секоја голтка е скапа и мораме да штедиме дури и на храна“, вели Рахила.

Се проценува дека 80% од подземните води во Кабул се контаминирани со фекалии од импровизирани тоалети и индустриски отпад. Жителите редовно страдаат од дијареа и повраќање.

– Постојано сме болни. Доволно е да ги измиеме забите со таа вода – раскажува Сајед Хамед, државен службеник со тројца деца.

Климатските промени дополнително ја влошуваат состојбата – снегот кој порано ја одржуваше водата во подземните извори сега е заменет со краткотрајни, но интензивни врнежи, кои не го обновуваат нивото на водата, туку предизвикуваат поплави.

УНИЦЕФ предупредува дека доколку не се преземат итни мерки, Кабул може целосно да остане без подземна вода до 2030 година.

Политичката нестабилност и намалената меѓународна помош откако талибанците ја презедоа власта, дополнително ги отежнуваат напорите за справување со кризата. Хуманитарните организации имаат ограничени средства и потребни им се стотици милиони долари за обнова на системите за водоснабдување.