Македонија
Македонските студенти бараат бесплатно студирање
Македонските студенти за в четврток најавуваат протест пред ректоратот на скопскиот Универзитетот „Св. Кирил и Методиј“ каде ќе ги искажат своите
Македонските студенти за в четврток најавуваат протест пред ректоратот на скопскиот Универзитетот „Св. Кирил и Методиј“ каде ќе ги искажат своите барања и незадоволства од начинот на студирање.
Неформална група студенти од скопскиот универзитет вечерва ќе организира трибина „Слободен Индекс“, на која ќе бидат претставени барањата и целите на студентскиот протест.
Според најавите, главни точки на дискусија на трибината ќе бидат укинување на партиципацијата за студентите во државната квота, нискиот социјален стандард на студентите и негрижата на Универзитетот, лошите услови на студентските домови, непостоењето на студентските медиуми.
На трибината ќе се дискутира и за проблемите и кршењето на правата на студентите на државниот Универзитет „Св. Кирил и Методиј“ и за подигање на свеста на студентите при државните универзитети.
Меѓу другото, ќе стане збор и за неправилното спроведување на Болоњската ЕКТС конвенција, студентско организирање, односно нефункционирањето на Студентскиот парламент на Универзитетот.
Студентите во Хрватска веќе еден месец протестираат со барање студирањето на државните универзитети да биде бесплатно. Тие зазедоа поголем дел од факултетите во Загреб и во останатите градови ширум земјата каде е прекината наставата, при што добија поддршка и од деканите на некои факултети.
Студентите во саботата одржаа масовен протест во Загреб, истакнувајќи дека протестот нема политички карактер, туку има за цел да ги заштити правата на студентите. /крај/со/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Демократски сојуз ги повикува граѓаните да гласаат за Силјановска и ВМРО-ДПМНЕ
Демократскиот сојуз на Павле Трајанов ги повика граѓаните да гласаат за Гордана Силјановска Давкова и за коалицијата предводена од ВМРО-ДПМНЕ.
-Партиите кои се на власт, кои ги разградија институциите, ја криминализираа државата, ги загрозија националните и државните интереси, ги доведоа граѓаните во очај и предизвикаа масовно иселување, треба да одат во опозиција и да одговараат за грабежот и загрозувањето на опстанокот на државата. Во овие сложени состојби кога се одлучува за иднината на Македонија, Ве повикуваме на масовно гласање за промени, за Гордана Силјановска Давкова (2) и за кандидатите за пратеници на Коалицијата ТВОЈА МАКЕДОНИЈА, предводена од ВМРО-ДПМНЕ (Број 2), се вели во соопштението.
Македонија
Возач загина во сообраќајка на експресниот пат Штип-Кочани, повредени жена и две деца
Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа околу два часот по полноќ се случила на експресниот пат Штип-Кочани.
Во несреќата која била пријавена во 2:24 часот изутрина, учествувало само едно возило. Автомобилот „рено лагуна“ со скопски регистрации излетало од коловозот во близина на клучката кај селото Крупиште.
Возачот – 39-годишен маж од Скопје – починал, а сопатничката и двете деца се здобиле со повреди и се пренесени во болницата во Штип.
Увидот во несреќата е во тек.
Македонија
Битиќи на велигденски јајца кај Спасовски кој му посака здравје низ целата година
Вицепремиерот Фатмир Битиќи бил на гости дома кај екс министерот за внатрешни работи, Оливер Спасовски по повод празникот Велигден.
„На гости во мојот дом беше другарот Фатмир Битиќи, по повод празникот Велигден, Христово Воскресение. Му посакувам здравје низ целата година“, објави Спасовски на социјалните мрежи.