Македонија
Амбасадорот на Исланд ги предаде акредитивите
Македонскиот министерот за надворешни работи, Антонио Милошоски, ги прими копиите од акредитивните писма на новоименуваниот вонреден и ополномоштен амбасадор на Република Исланд за Република Македонија, Стефан Скјалдарсон.
Македонскиот министерот за надворешни работи, Антонио Милошоски, ги прими копиите од акредитивните писма на новоименуваниот вонреден и ополномоштен амбасадор на Република Исланд за Република Македонија, Стефан Скјалдарсон.
Како што соопшти денеска МНР, на средбата бил поздравен позитивниот развој на односите меѓу двете држави, а бил нагласен интересот на македонската влада на за натамошно унапредување на соработката во сите области од заеднички интерес.
„Посебно беше нагласена важноста на континуираната исландска поддршка на нашата земја за прием во полноправно членство во НАТО, како и продлабочувањето на натамошната соработка во процесот на евро-интеграциите и размената на искуства во текот на претпристапните преговори со Унијата, што Република Исланд и официјално ги почна на 27 јули годинава“, се наведува во соопштението.
Двајцата соговорници изразиле уверување дека владите на Македонија и на Исланд ќе работат на развивање и интензивирање на дијалогот и соработката во доменот на економската односи и трговската размена, културата и образованието.
Притоа од страна на министерот Милошевски била повторена отворената покана за остварување на официјална посета на исландскиот министер за надворешни работи, Осур Скарпединсон, на Република Македонија. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Укината забраната за движење во шуми
По извршената процена за намален ризик за појава на шумски пожари на површините под шума и шумско земјиште од страна на ЈП „Национални шуми“ – Скопје и на нивно барање, Министерство за земјоделство, шумарство и водостопанство донесе согласност за отповикување на целосната забрана за движење во шума и на шумско земјиште.
Македонија
Мицкоски: Работиме штипската болница да биде изградена во најбрз рок
„Јас мандатот го почнав пред неполни три месеци токму од пред штипската Клиничка болница и тогаш реков во овој мандат таа ќе биде завршена. Работиме на модел. Медицинско-техничко-економски модел којшто е во фаза на, би рекол, развој и очекувам дека до крајот на оваа година сето тоа ќе биде завршено и веќе од почетокот на следната ќе почнеме со градење на Болницата“, одговори претседателот на Владата, Христијан Мицкоски на денешното новинарско прашање при посетата на Штип, во однос на изградбата на Клиничката болница и додаде:
„Проблемот е што пари нема. Парите ги украле или ги потрошиле за нешто што не требало. Требало за Болницата, но парите ги украле. За жал наследивме состојба таква каква што е, но тоа е што е, тука е, нѐ гласале граѓаните, да немаме оправдување, туку да работиме, да ја направиме работата подобра. Што е нашиот пристап? Нашиот пристап е да обезбедиме и финансирање, и допроектирање и опремување и изградба и пренос на објектот. Тоа во моментов Законот за јавни набавки не го дозволува. Ако е потребно ќе влеземе и чекор напред, ако треба мали нивелирања на Законот, само за да можеме да ги одглавиме многу проекти за коишто се почнати, парите се украдени и тие се сега споменици на едно време. Тоа правиме, иновираме, се трудиме да најдеме начин за сето ова го задвижиме и ќе успееме. Ќе успееме, јас сум оптимиста дека ќе успеаме“, дополни тој.
Македонија
Трипуновски: Доделени договорите од ИПАРД III-програмата
Денеска во просториите на Агенцијата за финансиска поддршка и рурален развој, министерот за земјоделство, шумарство и водостопанство Цветан Трипуновски заедно со директорот на агенцијата Илија Стоилев доделија договори од ИПАРД III програмата за 2021-2027.
Договорите се однесуваат на мерката 1 –Инвестиции во основни средства на земјоделските стопанства и мерката 7 – Диверзификација на фарми и развој на бизниси.
Финансиската поддршка се состои од 75% средства од ЕУ буџетот и 25% средства обезбедени од буџетот на Македонија.
Вкупната финансиската поддршка во рамките на ИПАРД III програмата од мерката 1 изнесува 18.893.333 евра, односно 1.171.764.533 денари, додека за мерката 7 изнесува 11.400.000 евра, односно 707.028.000 денари.
Денеска се потпишаа 30 договори од вкупно 76 од мерката 1 за кои вкупно прифатливите трошоци по договор изнесуваат 214.737.900,00 денари односно 3.494.514 евра, додека кофинансираната сума изнесува 141.279.000,00 денари односно 2.299.000 евра. Од мерката 7 се пишуваат 6 договори за кои вкупно прифатливите трошоци по договор изнесуваат 90.379.675,00 денари, а додека кофинансираната сума изнесува 54.488.543,00 денари, односно 886.713,00 евра.
“Владата и Министерството за земјоделство, шумарство и водостопанство веруваат во потенцијалот на македонското земјоделство а со тоа и на земјоделците. Континуирано се прават заложби за подеднаков развој на земјоделството на секој дел од државата.
Со потпишување на договорите им посакавме успешна реализација на инвестициите и понатамошно беспрекорно работење, плодна соработка со агенцијата и министерството. Ги охрабруваме и останатите земјоделци да се вклучат во програмите за финансиска поддршка£, се истакнува во соопштението.