Жителите на зграда во скопската населба Мичурин синоќа биле заложници на вооружен маж кој со автоматска пушка стрелал во влезот на зградата, информираат од МВР

Повредени во тешкиот инцидентот нема. Од пукањето се оштетени вратите на неколку станови на петтиот и шестиот кат каде се пронајдени повеќе чаури испукани од автоматска пушка и една рамка од автоматска пушка, наведува МВР.Мажот на возраст од околу педесетина година синоќа почнал да пука со автоматот во влезот од зградата во населбата Мичурин и во влезните врати на становите, поради што жителите од зградата не смееле да ги напуштат своите домови. Дивеењето интензивно траело околу половина час. Рафалите почнале околу 2 часот, а кулминацијата била некаде околу 3.30 часот.Според очевидци, мажот пукајќи успеал да разбие влезна врата на еден од становите, што за среќа во моментот бил празен. Полицајци по дојава од жителите успеале да го совладаат мажот и да го уапсат.Полицијата информира дека кај напаѓачот се констатирани 1,39 промили присуство на алкохол во крвта. По пријавата на настанот, на 56-годишниот Милан Николовски му е одземена автоматската пушка во чија цевка и за време на лишувањето од слобода имало еден куршум, потоа, една рамка со 32 куршуми калибар 7,62 мм и еден нож-кама кој му бил врзан околу ногата.Човекот според сведоците живеел сам во зградата во која се случил тешкиот инцидент.Полицијата додека траела заложничката драма по телефон ги советувала жителите на зградата да се засолнат во своите станови, додека да стигне помош, која успеала да го разоружа и приведе.Претходно Николовски со автоматски пиштол стрелал недалеку од неговиот изнајмен стан, кај основното училиште „Блаже Конески“, но по пријавата полицајците не можеле да го пронајдат.