Комисијата за верификација на фактите на денешната, неколкучасовна седница го усвои извештајот за поранешниот министер за внатрешни работи од редовите на СДСМ, но не донесе заклучок, дознава Макфакс од извори во

Комисијата за верификација на фактите на денешната, неколкучасовна седница го усвои извештајот за поранешниот министер за внатрешни работи од редовите на СДСМ, но не донесе заклучок, дознава Макфакс од извори во Комисијата.

Според истите извори, предметот за другиот поранешен министер за култура е одложен за наредна седница.

Комисијата денеска не ги верифицираше изјавите на четворица поранешни функционери, меѓу кои имало и наредбодаватели, три извештаи биле усвоени, но не бил донесен заклучок, а еден бил одложен за наредната седница.

Со случајот за поранешниот прв човек на полицијата, првпат пред Комисијата за верификација на фактите на дневен ред е наредбодавател, а не директен соработник со тајните служби. Според неофицијални информации, тој се товари дека  издавал наредби за прислушување и оперативна обработка од идеолошко-политички мотиви.

На прашање дали сега со ова се доведуваат во прашање и наредбите на сите досегашни министри за внатрешни работи, Аџиев вели дека пред Комисијата ќе се најдат функционери кои давале наредби од идеолошка и политичка природа.

„Ние работиме на утврдување соработници на тајните служби наредбодавачи и корисници на информации од идеолошки причини“, вели Аџиев.

Министерката за внатрешни работи, Гордана Јанкулоска, вели дека работи во согласност со законите и дека не е запозната со тоа какви постапки се водат пред Комисијата.

„Јас немам информација какви постапки се водат пред комисијата за лустрација така што во тој дел не можам да коментирам, но во однос на прашањето, функцијата министер за внатрешни работи ја извршувам во согласност со позитивните прописи во нашата земја што значи дека не постои никакво стравување, ни опасност кој и да е, кој ги почитувал прописите на Македонија и постапувал исклучиво во согласност со законите на оваа земја, да стравува од некој непожелен исход за него“, изјави Јанкулоска.

Чедомир Дамјановски, член на Комисијата вели дека Комисијата работи незаконски. „Има целна група за отстрел без доволна проверка и мислам дека тотално се крши Законот“ рече Дамјановски, кој за утре закажа прес-конференција.

Дамјановски претходно обвини дека без негово знаење му го одзеле предметот за поранешниот министер за култура и на негововото место, предметот го сработил друг член.

Членовите на Комисијата, Благоја Гешоски и Јанакие Витановски, сé уште не учествуваат во работата на Комисијата.

Гешоски најави дека ќе побараат од Собранието Аџиев да биде разрешен, не само од местото претседател, туку и како член на Комисијата./крај/фф