Македонија
Иванов: Македонија има единствен инклузивен модел на демократија
„Македонија се гордее со својот единствен инклузивен модел на демократија кој подразбира интеграција без асимилација,“ порача денеска претседателот на Р. Македонија, Ѓорѓе Иванов во обраќањето на Меѓурелигиската Конференција.
„Македонија се гордее со својот единствен инклузивен модел на демократија кој подразбира интеграција без асимилација,“ порача денеска претседателот на Р. Македонија, Ѓорѓе Иванов во обраќањето на Меѓурелигиската Конференција.
Тој потсети дека мултиетничкиот и мултиконфесионалниот соживот, кој е реалност во Македонија е граден со векови.
„Со организирањето на оваа конференција, кое прераснува во добра традиција, Македонија ја потврдува својата посветеност кон градењето на глобалната платформа за мир и дијалог меѓу религиите,“ рече Иванов и додаде дека мирот е темелот на благосостојбата на човековото постоење.
Во текот на денешниот ден на конференцијата свое обраќање имаше и Вилма Трајковска, која потсети дека прифаќањето на различностите е патот кон мирот.
„Мојата порака е секогаш да се држиме до принципите на божјата љубов која ќе ни помогне да се прифатиме еден со друг, да го прифатиме правото да бидеме различни, обезбедувајќи цврста основа врз која ќе се гради отворен дијалог, искрена комуникација и меѓусебна доверба,“ порача Трајковска.
Бутрос Бутрос Гали, претседателот на Националниот совет за човекови права, иако најавен, од оправдани причини не присуствуваше на Втората Конференција за меѓурелигиски и меѓуцивилизациски дијалог.
На Конференцијата се присутни претставници и духовни лидери од Руската православна црква, Албанската православна црква, Зворничко-тузланската епархија од Република Српска, Сиријската Православна Теолошка Школа, Антиохиската Сиријска Православна Црква, Римокатоличката црква, претставници од Ватикан (Светата Столица), Евангелистичко- Методистичката Црква, Еврејската заедница, претставници од Исламските заедници од Македонија, Србија, Хрватска, Албанија и Кина, Ваишнавската заедница и др./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.