Македонија
Казнети 13 полицајци
Во текот на минатата недела по спроведена дисциплинска постапка, донесени се 13 решенија против исто толку вработени во Министерството за внатрешни работи поради сторени повреди во работењето, соопшти МВР.
Притоа, на девет вработени им е изречена мерка “парична казна” на еден вработен мерка – “запирање на постапката”, на двајца вработени мерка – “откажување на договор за вработување” и на еден вработен му е изречена мерка – “отказ” , а се работи за:
Т.Т. полицаец во ПС ОН Бит Пазар, СВР Скопје, изречена му е мерка “откажување на договор за вработување” (се обидел за паричен надомест да пренесе преку граниничен премин лица, за кои не бил дозволен “излез” од РМ.)
А.А. полицаец за БПС во ПС за БПС Битола, СВР Битола, изречена му е мерка “парична казна” (го нарушил ЈРМ со учество во тепачка).
П.Ј. инспектор за прифат сменоводител во ПС ОН Пробиштип, СВР Штип, изречена му е мерка “запирање на постапка” (неутврдена одговорност).
С.И. полицаец во ПС ОН Карпош, СВР Скопје, изречена му е мерка “парчна казна” (во службено возило со колега превезувале женско лице од Скопје, а исто така му било утврдено присуство на алкохол во крвта додека бил на работа).
Р.Б. полицаев во ПС за ГН “Маздрача” РЦ Север, изречена му е мерка “паричен надомест” (во службено возило со колега превезувале женско лице од Скопје).
Г.С. полицаец во ПС за ГП и ГН “Богородица” РЦ Југ, изречена му е мерка “паричен надомест” (без да провери дали има виза, дозволил излез од РМ на косовски државјанин, кој спаѓа во група со голем ризик).
Г.И. полицаец за БПС во Одделение за БПС во СВР Скопје, изречена му е мерка “паричен надомест” (без претходно добиена согласност, дал снимена изјава за телевизија).
М.А. полицаец во ПС ОН Ресен, СВР Битола, изречена му е мерка “паричен надомест” (не изготвил писмено известување дека ќе биде на боледување, а за два дена од неговото отсуство нема доставено писмен документ за боледување).
А.Р. полицаец за патрола и интервенција во ПО Попова Шапка, СВР Тетово, изречена му е мерка “откажување на договор за работа” (навремено и писмено не го известил раководителот за отсуство од работа и не доаѓал на работа повеќе од три последователни дена).
С.Д. полицаец во увидна група во ПО за БПС, ПСОН Прилеп, СВР Битола, изречена му е мерка “паричен надомест” (не ја извршил наредбата од Командирот и не го изготвил службениот материјал за извршен увид од сообраќајна незгода).
И.Ј. полицаец во Центар за информации и команда, Организациски единици за координација во СВР Скопје, изречена мерка “паричен надомест” (на разговор за добивање виза во проториите на Конзуларното одделение во Амбасадата на САД присуствувала во полициска униформа и приложила фалсификувана банкарска документација)
Т.М. полицаец во ПС ОН Штип, изречена му е мерка “паричен надомест” (не пријавил кривично дело во Полициска станица).
Г.В. полицаец за БПС во ПС за БПС Петровец, изречена му е мерка “отказ” (неоправдано изостанал од работа три последователни дена).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стефковски: Воведуваме два нови проекти со Црвениот крст- Итно копче и превоз за стари лица
Градоначалникот на општина Гази Баба, Бобан Стефковски на денешната средба со секретарот на Црвениот крст на Град Скопје Сузана Тунева Пауновска, договори отпочнување со реализација на два проекти и тоа Итно копче и превоз за стари лица и лица со попреченост.
За проектите, Стефковски информираше на својата официјална страна на фејсбук на која напиша:
Итно копче и посебен превоз за стари лица и лица со попреченост се два нови проекти на општина Гази Баба и Црвениот крст.
„На денешната средба со секретарот на Црвениот крст на Град Скопје, Сузана Тунева Пауновска договоривме започнување со реализација на два нови проекти за најранливите жители на општина Гази Баба.
Првиот проект е наречен Итно копче, е нова и иновативна услуга на Црвениот крст на град Скопје и истата веќе се практикува во повеќе европски земји со одличен резултат.
Станува збор за услуга која е достапна 24/7, а лицата ќе може да побараат помош преку притискање на само едно копче.
Корисникот на аларм-уредот има само обврска да го притисне копчето на уредот и да почекаат повик од страна на операторот од контакт центарот на Итно копче.
По воспоставување на контакт со корисникот, корисникот ги споделува информациите за тегобите со кои се соочува, а обученото лице/оператор му дава понатамошни насоки, а по потреба се испраќа тим за прва помош во нивниот дом. Доколку има потреба се обезбедува транспорт до соодветната установа/институција.
Вториот проект е посебен превоз за стари лица и лица со попреченост.
Посебниот превоз е наменет за лица, кои не се во можност, самостојно да обезбедат превоз за користење на здравствена, социјална, или друга административна услуга, заради:
• старост;
• болест;
• неможност или потешкотии, при самостојно движење;
• имаат потреба од придружник (негувател/личен асистент), врз основа на наод на стручно лице за потребата од користење на услуги во домот, поради здравствената состојба во која се наоѓаат, а се работи за неживотно загрозувачки ситуации.
Со поддршка на општина Гази Баба овие услуги ќе бидат поблиску до граѓаните“, известуваат од општината.
„За нив граѓанинот е на прво место“, напиша Стефковски.
Скопје
Прекинато водоснабдување на дел од улицата Максим Горки во Скопје
Од ЈП Водовод и Канализација известуваaт дека во вторник поради изведување на водоводен приклучок од Ф 80 мм на ул.Мито Хаџивасилев Јасмин бр.22 прекинато водоснабдување ќе имаат дел од корисниците на ул.Максим Горки од 09:00 часот до завршување.
Македонија
Бесплатен летен спортско едукативен камп за ученици од Кисела Вода
Бесплатен летен спортско едукативен камп за спортските таленти од основните училишта и учениците од социјално ранливите семејства, обезбеди Општина Кисела Вода. Оваа иницијатива, која е плод на посветеноста за промовирање на спортот и здравиот начин на живот, ги промовира и еднаквите можности за учество и развој на сите деца без разлика на нивната финансиска состојба.
На јавниот повик кој е достапен на општинската веб страница https://opstinakiselavoda.gov.mk/wp-content/uploads/2024/05/oglas5.pdf , можат да аплицираат децата кои постигнале резултати во олимписки и неолимписки спортови, во поединечна и екипна конуренција, согласно класификацијата на Агенцијата за млади и спорт.
За спортските таленти, Комисијата ќе ги вреднува постигнатите прво, второ и трето место.
Kандидатите задолжително треба да ги достават, дипломите и признанијата за освоени места или учество на официјални државни, меѓународни и регионални натпревари, како и дипломите и признанијата за освоено место или учество на пријателски натпревари во сите категории. Основците пак, кои припаѓаат на социјално ранлива категорија согласно Закон за социјална заштита, за истото треба да достават соодветна документација како доказ за исполнетост на условите. На повикот можат да се пријават и ученици од семејства со еден вработен, примател на минимална плата, како и ученици од семејства чиј вкупен приход не надминува 35.000,00 денари месечно.
-Овој бесплатен седумдневен камп на брегот на Охридското Езеро ќе биде повеќе од обично дружење. Тој претставува можност за нашите ученици да се социјализираат, да создадат нови пријателства и да ги развиваат своите спортски таленти. Верувам дека преку вакви активности, децата ќе можат да ги зајакнат своите спортски вештини, но и да научат важни животни лекции за тимска работа, дисциплина и посветеност. Нашата поддршка за младите спортисти не завршува тука. Оваа иницијатива е само дел од нашата континуирана стратегија за поттикнување на спортските активности и здравиот начин на живот кај младите. Овие спортски кампови се стимул за спортистите да продолжат да се натпреваруваат и да ги постигнуваат своите цели, но исто така претставуваат и обид да се избегне маргинализацијата на децата од социјално загрозените семејства. Сите деца, без разлика на нивната социјална позадина, треба да имаат еднаква шанса за успех и развој. Од тука, ги поттикнувам сите кои се опфатени со зададените критериуми да аплицираат на јавниот повик. Од своја страна, како градоначалник, можам да кажам дека Општина Кисела Вода ќе продолжи да инвестира во вакви проекти, кои го поддржуваат личниот и спортскиот развој на талентираните и водат кон избегнување на маргинализацијата на децата од социјално загрозените семејства-изјави градоначалникот Орце Ѓорѓиевски,
Барањата и изјавите со потребната документација треба да се доставуваат до 05 јуни, по пошта на адреса Општина Кисела Вода ул. “Петар Дeљан” бр.17, или во архивата на општината со назнака – “За избор на ученици од општинските основни училишта од Општина Кисела Вода кои ќе посетуваат бесплатен летен спортско едукативен камп” – Комисија за спроведување на постапката за избор на ученици од општинските основни училишта од Општина Кисела Вода кои ќе посетуваат бесплатен летен спортско едукативен камп.