Македонија
Потребна е стратегија за поголема безбедност во училиштата, сметаат експертите
Потребна е сеопфатна стратегија за спроведување на превентивни програми со цел зголемување на безбедноста во средните училишта, велат од Здружението за безбедносни истражувања и едукација.
Потребна е сеопфатна стратегија за спроведување на превентивни програми со цел зголемување на безбедноста во средните училишта, велат од Здружението за безбедносни истражувања и едукација.Според нивно истражување, за 65 отсто од средношколците насилството е главен безбедносен проблем во училиштата, додека безбедно во училиштата се чувствуваат нецела половина од испитаните ученици, околу 48 отсто. „Она што е важно е да се предложат одредени превентивни програми којшто се работат на запад, бидејќи се смета дека она што е најважно е дека овие програми стартуваат со еден став дека сите во училиштето се одговорни за безбедноста: и наставниците, и директорот и луѓето кој што работат таму. Затоа на едно ниво на превентивни програми ќе се обучуваат како да реагираат во кризни ситуации“, вели психологот Драгана Батиќ.Според нив, индикативен е ставот на 65 отсто од учениците кои сметаат дека нивната безбедност е последна грижа на државата, додека дури 92 отсто сметаат дека за нивната безбедност се говори само кога ќе се случи некаков инцидент. Нивната анкета покажува и дека голем дел од инцидентите остануваат непријавени кај надлежните органи.„Имавме прилика дел од лицата што ги контактиравме баш во тој период да имаат лично искуство на насилство во училиштето, дури имале побарано и медицинска помош. Ги прашавме дали тоа го имате пријавено во полиција и ни рекоа дека им било страв, дека не се чувствувале сигурно и безбедно, дека биле нападнати од повеќе лица и дека се плашат дека доколку го пријават целиот случај во наредниот период ќе бидат нападнати пак од поголем број лица, што значи дека таа темна бројка, односно непријавените настани ни даваат за право да размислиме дека можеби има поголем број на девијантни однесувања од оние кои што се веќе познати во нашата јавност“, вели Марина Малиш – Саздовска од Факултетот за безбедност.Истражувањето е спроведено во сите 23 скопски средни училишта, а анкетирани се 10 отсто од учениците во трета година по случаен примерок. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: Усеини уништува антифашистичко наследство додека СДС и ДПМНЕ молчат
Од локацијата кај познатата Бела куќа на ул. ,,Димитар Влахов” бр. 9 во Охрид, од каде бескруполозно беше тргната плочата од НОБ, Носителот на ИЕ5 и Генерален секретар на Левица, Јована Мојсоска истакна:
,,Овој културен објект беше уништен од страна на локалниот шериф, Нефи Усеини. Плочата на АСНОМ каде пишува за осудените антифашисти од страна на бугарскиот окупатор, беше тргната пред месец дена. Од градоначалникот Пецаков нема никаква реакција додека се уништува антифашистичкото наследство од страна на поранешниот функционер на ДУИ”.
Мојсоска се наврати кон 2019 година кога беа силни обвинувањата на ВМРО – ДПМНЕ кон Усеини. Според Мојсоска, наспроти тоа, се испоставува дека коалицијата ДПМНЕ – ДУИ сега е уште посилна, благодарение на заедничките бизнис – интереси.
,,Ќе потсетам дека во 2019 година, токму ВМРО-ДПМНЕ обвинуваше дека Усеини го тероризира Охрид. За жал, Охрид го губи својот автентичен изглед, иако за овој објект има Решение за уривање. Институциите молчат, молчи и Министерството за култура кое е раководено од социјал-демократите”, додава Мојсоска за криминалот на поединците и молкот на институциите.
Јована Мојсоска како Носителот на ИЕ5 и Генерален секретар на Левица, порачува:
,,Затоа на 8 мај, да заокружиме број 5, за да ставиме ред во безредието и закон во беззаконието!”
Македонија
ВМРО-ДПМНЕ: ДУИ се обидува да поткупува гласачи дури и во верски објекти, залудни сценарија, секако ќе одат во опозиција
ДУИ се обидува да поткупува гласачи дури и во верски објекти, залудни сценарија, секако ќе одат во опозиција, велат ВМРО-ДПМНЕ преку соопштение.
– Функционери на ДУИ се забележани дури и во места како Виница, Кочани, Берово, Делчево каде во верски објекти со полицајци се обидуваат да поткупуваат гласачи. Со ова се обидуваат да освојат голем резултат, мислејќи дека така ВМРО-ДПМНЕ ќе мора да седне со нив, но се лажат. ДУИ оди во опозиција и со тоа треба да се помират. Залудно е и полнењето кутии. Примерите кои се нотирани во Липково, не им помогнаа во првиот круг, нема ниту сега во вториот. Времето кога го купуваа гласот на народот завршува. Време е Македонија да ја вратиме на народот. Македонија повторно твоја, – додаваат од партијата.
Македонија
СДСМ: Глас ЗА СДСМ на 8 мај е глас за слобода, демократија и европска држава
Гласот ЗА СДСМ на 8 мај е глас за слобода, демократија и европска држава, за чување на темелите на државноста, демократските вредности, внатрешната кохезија, стабилни етнички односи, безбедна и европска иднина на Македонија, велат од СДСМ преку соопштение.
– СДСМ ја врати слободата, ја врати државата на вистинскиот пат. Директна потврда дека со СДСМ се почитуваат демократските и европските вредности е последниот извештај на „Репортери без граници“, според кој Македонија е на 36-тото место и најдобро позиционирана во регионот, по слободата на медиумите. Во 2016 година бевме на дното, рангирани на 118-то место. Тогаш слободно кажаниот збор се казнуваше, медиумите беа цензурирани, граѓаните беа манипулирани. Враќање на режимот на ДПМНЕ во најава, би значела сигурна блокада на Македонија и внатрешни етнички тензии, што би и нанело огромна штета на иднината на државата. Преголема моќ за десничарска партија како ДПМНЕ која воопшто не е променета, ќе претставува сериозна закана од враќање на заробена држава, поделби, уцени и закани. Затоа е важно граѓаните да излезат на 8 ми мај масовно и да гласаат, заедно со СДСМ да не дозволат враќање назад, – додаваат од партијата.