Македонија
?????????: ??????????? ?? ????? ?? ??? ? ????????
Надлежноста на Меѓународниот суд на правдата во Хаг по однос на тужбата на Македонија против Грција е неспорна, изјави шефот на дипломатијата Антонио Милошоски, коментирајќи ја усната расправа што по однос на процесот се води во судот
Милошоски смета дека одлуката треба да биде почитувана од двете земји, кои веќе ја признале надлежноста на судот во однос на предметот.„Нашата позиција и аргументи се многу јасни – овој случај е документиран, овој случај е меѓународно-правен и овој случај се заснова на времената спогодба во којашто изрично е наведено дека кое било прашање, толкување или спор којшто може да се појави на билатерална основа, освен политичкиот македонско-грчки спор, е во надлежност на Меѓународниот суд на правдата и токму затоа бевме упатени меѓународно-правно да се обратиме пред ова институција на Обединетите Нации. Цениме дека надлежноста на овој суд е неспорна и дека пресудата која што очекуваме да се случи до крајот на есента би требало да биде почитувана од двете страни како одговорни земји-членки на Обединетите Нации, кои што во меѓувреме и претходно ја признале надлежноста на судот“, изјави Милошоски.Шефот на дипломатијата оцени дека настапот на македонскиот тим пред судот бил издржан и заснован на реални аргументи и случувања. „Постапката пред Меѓународниот суд на правдата ја цениме за солидна. Беше навистина и задоволство и обврска да ги претставиме нашите аргументи. Сметам дека пристапот кој што македонскиот правен и адвокатски тим го има кон овој случај беше издржан, заснован на фактографија, на реални случувања и аргументи. Она што очекуваме од Меѓународниот суд на правдата е да биде потврдена правдата, односно во овој случај да нема поразени и победени странки, туку победник да биде меѓународната норма и меѓународното право кое што се однесува на времената спогодба. Тоа цениме дека ќе придонесе за понатамошно одржување на еден продуктивен баланс и рамнотежа на односите меѓу Македонија и Грција. Истовремено, она што како политичари сме должни да го правиме, ќе продолжиме да го правиме инвестирајќи во еден конструктивен развој на македонско-грчкиот дијалог“, изјави Милошоски.Министерот е дециден дека процесот пред судот нема да влијае врз политичките разговори околу спорот со името. „Кога ние го имавме најголемиот интензитет на меѓусебна преписка со аргументи и противаргументи по однос на судскиот случај минатата година, тогаш го имавме и најголемиот интензитет на меѓусебните политички македонско-грчки преговори, што покажува дека македонско-грчкиот дијалог зависи од политичката волја, а не од правните случаи, како што е овој случај во Хаг“, рече Милошоски, кој денеска во рамки на акцијата „Ден на дрвото“ учествуваше на засадување дрвца на Водно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Намалена видливост поради магла на Плетвар и Пресека
Сообраќајот на државните патишта се одвива непречено по влажни коловози. Слаб снег провејува на планинскиот премин Стража кој во мометот не се здржува на коловозот. Намалена видливост поради појава на магла до 50 метри има на Плетвар и Пресека, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Бутел, Ѓорче Петров и Аеродром денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 08:30 до 14:00 часот, корисниците од ул. бр. 2 во с. Љубанци. (Општина Бутел)
· од 08:30 до 15:00 часот, корисниците од ул. бр. 101 во нас. Волково. (Општина Ѓорче Петров)
· од 09:00 до 12:00 часот, корисниците од улиците со бр. 1 и бр. 9 во с. Долно Лисиче. (Општина Аеродром)
Македонија
Променливо облачно со сончеви периоди, кон крајот на денот локални врнежи од дожд
Променливо облачно со сончеви периоди. Кон крајот на денот и во текот на ноќта ќе има локални врнежи од дожд, а на планините и на повисоките места претежно во западните и северните делови од снег. Ќе дува слаб до умерен северозападен, а наместа во западните делови повремено засилен западен ветер. Минималната температура ќе биде во интервал од 1 до 5, а максималната ќе достигне од 8 до 14 степени.
Во Скопје, променливо облачно со сончеви периоди. Кон крајот на денот ќе има повремен дожд. Ќе дува слаб до умерен променлив ветер. Минималната температура ќе се спушти до 3, а максималната ќе достигне до 11 степени.
Времето во наредните денови
Во вторник ќе има заладување со нови пообилни врнежи кои на планините и на повисоките места ќе бидат од снег. На планините ќе се зголеми висината на снежната покривка, а нова се очекува да се формира и во некои од повисоките места. Потоа во следните два дена ќе се задржи претежно стабилно време, а во петок повторно ќе има врнежи од дожд и снег.

