Свет
„Сименс“ крати 2 илјади работни места
Германската индустриска група „Сименс“ најави „кастрење“ на две илјади работни места од металопреработувачкиот сектор.
Германската индустриска група „Сименс“ најави „кастрење“ на две илјади работни места од металопреработувачкиот сектор.
„Иако ова беше многу тешка одлука за компанијата и лошо се одрази на вработените , сепак компанијата мораше да го преземе овој чекор. Ваквата одлука следи по последното реструктуирање во фирмата, но и навистина нема потреба од толку вработени во металопреработувачката дејност“, пишува во соопштението на „Сименс“.
Според податоците на Германската агенција за вработување, во текот на јануари годинава невработеноста пораснала за 8,6 отсто и сега во земјата се регистрирани 3,5 милиони невработени./крај.бгн/ит/.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.