Свет
Основачот на компанијата со сомнителните импланти предупредува на невистини
Основачот на француската компанија за изработка на протези за гради ПИП, Жан-Клод Мас, чија компанија се најде во центарот на голем светски скандал, денеска се огласи со соопштение во кое предупредува на „изненадувачки голем број невистини“ во врска со тоа.
Основачот на француската компанија за изработка на протези за гради ПИП, Жан-Клод Мас, чија компанија се најде во центарот на голем светски скандал, денеска се огласи со соопштение во кое предупредува на „изненадувачки голем број невистини“ во врска со тоа.Жан-Клод Мас, против кого во Франција се водат две судски истраги „заради тешка измама“ и „ненамерно нанесување повреди и убиства“ и кого истражните органи двапати го сослушаа, но не го обвинија, вели дека изјава ќе даде на суд.Мас кој преку соопштението негира дека е во бегство, истакнува дека се определил за молчење „најмногу заради почит кон загриженоста на пациентките, а потоа и заради тоа што во моментот против него се води истрага“.„Изненадувачки број невистини, бесмислици и заблуди го поттикнаа Мас да се воздржи од коментари“, додаде неговиот адвокат во истиот текст, доставен до агенцијата Франс прес.Во светот стотици илјади жени носат импланти на ПИП, посебно во Латинска Америка, Шпанија и Велика Британија.Во Франција се утврдени 20 случаи на заболени од рак кај жени со вградени импланти на ПИП, но не е утврдена никаква врска меѓу болеста и протезите. Француската влада им препорача на своите сограѓанки да ги отстранат тие импланти. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.