Македонија
Ванчо Узунов на чело на новоформираниот Економско – социјален совет на СДСМ
СДСМ преку Економско-социјален совет ќе нуди решенија за подобар живот на граѓаните.
СДСМ преку Економско-социјален совет ќе нуди решенија за подобар живот на граѓаните.
На денешната седница на Централниот одбор, на кој е донесена одлука за конституирање на советот, за нејзин претседател е избран универзитетскиот професор Ванчо Узунов.
Економско-социјалната состојба во земјата е во фокусот на седницата на Централниот одбор. Оценето е дека владините политики и после 5 години не даваат резултат, а се констатира дека социјалните разлики во општеството се продлабочуваат и изостануваат решенија за невработеноста и сиромаштијата.
„Дополнително, политиките на Владата создаваат сериозни ризици за иднината и се причина за голема загриженост на граѓаните. Тие не добиваат одговор од Владата за тоа колку е навистина голема дупката во буџетот, зошто нема поврзаност помеѓу бенефициите што Владата ги дава од буџетот и конкретни резултати, за која намена државата со силно темпо се задолжува во странство? Патем, Владата призна дека се задолжува во странство за да исплатат плати и пензии. Сето ова е неодржливо и носи сериозен ризик од опасни последици за иднината на земјата“, изјави Зоран Јовановски, потпретседател на СДСМ. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.