Црниот биланс од двата бомбашки напада во Ирак од четвртокот изнесува вкупно 87 загинати и 125 ранети соопшти доцна синоќа ирачката полиција

Во двата одвоени терористички напада на бомбаши самоубијци се случија едни од најкрвавите масакри досега забележани од американската инвазија во Ирак од 2003 г. Во главниот град Багдат бројката на загинати се искачи на 33 раселени лица од други краеви на Ирак кои чекале да добијат хуманитарна помош. Самоубиецот бомбаш го детонирал експлозивот кој го имал поставено во елекот што го носел на себе. Во овој напад биле ранети најмалку 57 лица, соопштила багдатската полиција.Болнички извори изјавиле дека меѓиу загиантите има пет деца и двајца работници на Црвената полумесечина.Според очевидци, напаѓаќот бил жена. Авторитети во Багдат за Reuters изјавиле дека кусо време по нападите бил уапсен наводниот лидер на група која има тесни врски и е поддржувана од Ал Каеда, Абу Омар ал-Багдади. Идентитетот на уапсениот се’ уште се провверувал и не е соопштен. „Тоа е дело на самоубиец бомбаш. Нападот има отисок на Ал Кaеда“, изјави во четвртокот за Reuters портпаролот на багдатските безбедносни сили, полицискиот генерал-мајор Касим Мусави, иако никој досега не ја презема одговорноста за нападите.Малку подоцна вчера, напаѓач влегол во локал каде се одмарале ирански шиитски аџии,близу градот Мукдадија, 80 километри североисточно од Багдат, во немирната провинција Дијала. Убиецот исто така го активирал експлозивот што го имал кај себе, при што убил 52 лица а 77 биле ранети. „Зборовите не можат да искажат се’. Тоа е валкан кукавички терористички акт“, изјавил Абдулхасир ал-Мунтасирбилах, кому вчера му било прв ден на работа во кацеларијата на гувернерот на поркаината Дијала.Нападот во Мукдадија е најголем според бројката на жртви досега, откако на 11-ти декември минатата 2008 г. во северниот ирански град Курк загинаа 50 луѓе.