Македонија
Инспектори проверувале дали претседателот на „Достоинство“ бил навистина болен
Инспектори од организиран криминал при МВР, упаднале во ординацијата на матичниот лекар на претседателот на здружението на „Достоинство“, Стојанче Ангелов и проверувале дали навистина е болен, тврди Ангелов. Од МВР пак велат дека деновиве добиле повеќе пријави за злоупотреби при издавање на лажни боледувања и дека сите случаи ќе бидат истражени.
„Инспектори од одделението за организиран криминал од МВР барале докази за наводно мое лажно боледување. Проверувале дали јас сум болен. Овие инспектори отишле кај мојот матичен доктор и барале докази за лажно боледување. “рече Ангелов и јавно праша на кој му пречи здружението „Достоинство“.
Минатата недела, пред контролата на полициските инспектори и комисија од Фондот за здравство направила контрола кај неговиот матичен лекар, тврдеше Ангелов.
Тој е прогласен за воен инвалид од Управата за прашања на борците и воените инвалиди со 80 проценти воен инвалидитет.
„Министерството за внатрешни работи има една пријава против ова лице и по однос на таа пријава тој е веќе осуден со правосилна судска пресуда. По однос на сите други злоупотреби кои се однесуваат на други сектори конкретно здравство непречено и континуирано ќе постапуваме за да откриеме одредени недоследности во постапувањето и доколку тие се утврдат, оној кој ги прекршил прописите ќе одговара. Имавме голема полициска акција за злоупотреба на медицинска документација и лажни дијагнози за издавање на инвалидски пензии. Деновиве добивме повеќе пријави за злоупотреби при издавање на лажни боледувања и ќе бидат истражени сите случаи доколку се утврди дека било кој матичен лекар, субспецијалист или специјалист издал дијагноза која не се базира на реално заболување кај пациентот, значи дека тој ќе одговара за злоупотреба на службена положба – кривично дело за кое следуваат 4 до 10 години затвор“ рече министерката Јанкулоска./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Возач загина во сообраќајка на експресниот пат Штип-Кочани, повредени жена и две деца
Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа околу два часот по полноќ се случила на експресниот пат Штип-Кочани.
Во несреќата која била пријавена во 2:24 часот изутрина, учествувало само едно возило. Автомобилот „рено лагуна“ со скопски регистрации излетало од коловозот во близина на клучката кај селото Крупиште.
Возачот – 39-годишен маж од Скопје – починал, а сопатничката и двете деца се здобиле со повреди и се пренесени во болницата во Штип.
Увидот во несреќата е во тек.
Македонија
Битиќи на велигденски јајца кај Спасовски кој му посака здравје низ целата година
Вицепремиерот Фатмир Битиќи бил на гости дома кај екс министерот за внатрешни работи, Оливер Спасовски по повод празникот Велигден.
„На гости во мојот дом беше другарот Фатмир Битиќи, по повод празникот Велигден, Христово Воскресение. Му посакувам здравје низ целата година“, објави Спасовски на социјалните мрежи.
Македонија
Мојсоска: Усеини од ДУИ доби 500 000 евра од ДПМНЕ во Охрид
Охридската гимназија, цела година е со раскопан двор. Учениците се заложници на неспособната локална власт, предводена од ДПМНЕ. Парите на изведувачот му се исплатени, а работата ни оддалеку не е завршена.
,,На изведувачот, само за реконструкција на дворот му се исплатени 230.000 евра од страна на Општина Охрид, за моментално оваа слика што ја гледате позади мене да биде ваква – грда, раскопана, каллива, нереконструирана…”, вели Носителот на ИЕ5 и Генерален секретар на Левица, Јована Мојсоска, од местото каде веќе цела година се одвиваат наводните градежни активности.
Според Мојсоска, баснословната сума и тендерот за овој цела година – раскопан двор по кој газат учениците од Охрид, повторно се во рацете на т.н. ,,локален шериф” од ДУИ.
,,Овој тендер заврши во рацете на познатиот Нефи Усеини, кој е рекордер по бројот на дивоградби тука во општина Охрид. Дополнително, истиот овој човек доби 80.000 евра тендер – повторно од Општина Охрид за реконструкција на оградата од дворот на истово училиште. И како тоа да не е доволно, токму Нефи Усеини за оваа иста гимназија доби 50.000 евра за електрична инсталација. Сè на сè, овој познат функционер, Нефи Усеини, доби, речиси, 500.000 евра од страна на власта на ВМРО – ДПМНЕ.
Мојсоска потсети дека во минатото, токму Нефи Усеини, беше симбол на неказнивоста на функционерите на ДУИ.
,,Нефи беше ослободен за нападот на советникот. Нефи Усеини беше ослободен од кривично гонење кога неговата фирма, директно, го загадуваше Охридското езеро. А како симбол на владеењето на овој градоначалник во сенка, остана познатата дивоградба, Пицерија во Чинарот. За жал, и тука се постави дека без разлика кој е на власт, повторно локалните функционери на ДУИ, никој не може да ги допре”, додава Носителот на ИЕ5, Јована Мојсоска.