Свет
Двајца сериозно повредени во земјотресот во Нов Зеланд
Земјотресот што го погоди вториот по големина град во Нов Зеланд Крајстчерч во саботата наутро по локално време, предизвикал тешки материјални штети соборувајќи електрични столбови, а забележани се и распукнување на патиштата и и фасадите, но властите објавија дека нема загинати
Новозеландските власти прогласија формална вонредна состојба за да се координираат операциите за обновување во градот која има популација од околу 350 илјади луѓе. Дописниците јавуваат дека по улиците на Крајстерчрч има урнати фасади, уништени автомобили и блокирани улици.Двајца мажи претрпеле сериозни повреди, а полицијата го блокирала централниот дел од градот каде се наоѓа бизнис центарот. Земјотресот со магнитуда од 7,4 степени според Рихтер го потресе Нов Зеланд, соопшти американскиот Институт за геолошки истражувања. Според сеизмолозите, епицентарот на потресот бил на шест до десет километри јужно од градот Крајстчерч (на Јужниот остров), а епицентарот бил на 34 километри длабочина. „Има многу штета што ја забележав во централното градско подрачје, претежно на старите ѕидани објекти, а бројни се и оние чии ѕидови се урнати на улиците“, изјавил градоначалникот Боб Паркер за државното радио.Официјални претставници на градската болница потврдиле дека двајца мажи биле примени со сериозни повреди, од кои едниот бил погоден од урнат оџак а другиот бил исечен од стакло. Исто така, биел згрижени уште неколку други луѓе лица кои имале скршеници и други повреди.Полицијата соопшти дека имало неколку случаи на грабежи, на кои биле брзо итнервенирано. Во предградијата многу куќи имале скршени прозорци, превртени оџаци, напукнати ѕидови и елементите паднати од рафтовите, пренесува агенцијата.Во поголем дел од градот и околниот регион дошло до прекин на електричната енергија, но постепено било обновено снабдувањето со струја. Исто така, имало оштетувања и на водоводната на и на канализационата мрежа. Според локалните власти, тие спроведувале проверки за тежината на штетите во руралните области, поблиски до епицентарот, западно од градот.GNS научниот институт, Новозеландската владина сеизмолошка агенција, ги ревидираа своите податоци за јачината на земјотресот на магнитудата 7,1 од првичните 7.4, додека Американскиот геолошки институт го коригираше податокот од 7,4 на 7.0 степени по Рихтер.Аеродромот во близина на градот, како и железничката мрежа и мостовите низ регионот се затворени и се проверуваат евентуалните штети предизвикани на нив. Земјотресот бил почувствуван како тресење на почвата во траење од 40 секунди. А во областа продолжуваат да се чувствуваат потреси со магнитуди до 5.2 степени .Бидејќи земјотресот се случи внатрешноста на копното, нема опасност од појава на цунами во овој дел од Пацификот.Во регионот на Нов Зеланд научниците евидентираат околу 14 илјади земјотреси годишно, од кои околу дваесеттина достигнуваат магнитудата од 5.0 степени.Последниот фатален земјотрес во овој геолошки активен регион каде се судираат тихиокеанската и индо-австралиската тектонска плоча, се случи во 1968 г., кога земјотрес со 7,1 степени загинаа три лица на западниот брег во истата облас на Јужниот Остров на западниот брег.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Свет
Хамас планира да предаде 33 заложници, некои од нив се мртви
Хамас планира да ги предаде останките на неколку заложници кои се меѓу 33-те за кои се наведува дека ќе бидат ослободени во првата фаза од предложениот договор за прекин на огнот, пишува Њујорк Тајмс.
Во извештајот, во кој се цитирани две лица блиски до преговорите за договорот, се вели дека Хамас ги информирал посредниците дека веќе не се живи сите оние што требаше да бидат ослободени. Се очекуваше во првата фаза да бидат ослободени жени, деца, стари и болни лица, потсетуваат израелските медиуми.
Израел претходно инсистираше да се ослободат само живите заложници во таа фаза и се согласи со помалку од 40-те луѓе што првично ги бараше, со разбирање дека сите што требаше да бидат ослободени се живи. Хамас синоќа соопшти дека го прифатил договорот предложен од посредниците. Израел, пак, оцени дека договорот е многу поинаков од она на што се согласила земјата.
Официјални лица на Хамас рекоа дека првата фаза од договорот ќе вклучи 42-дневно примирје и ќе ослободи 33 израелски заложници во замена за голем број палестински безбедносни затвореници кои се чуваат во израелските затвори.
Кабинетот на израелскиот премиер Бенјамин Нетанјаху оцени дека понудата на Хамас не ги исполнува основните израелски барања, но најави дека ќе испрати преговарачи да продолжат со преговорите со американските, египетските и катарските посредници.
Се верува дека уште 128 заложници се држат во Газа, од околу 250 киднапирани во нападите на палестинските екстремисти предводени од Хамас на 7 октомври минатата година, но не се знае дека сите се живи. За време на еднонеделниот прекин на огнот на крајот на ноември минатата година беа ослободени сто и пет цивили, а пред тоа четворица.
Тројца живи заложници беа ослободени од војниците, а телата на 12 од нив беа пронајдени, вклучувајќи и тројца убиени по грешка од војниците.
Израелската војска ја потврди смртта на 35 заложници кои сè уште ги држи Хамас, повикувајќи се на нови разузнавачки информации од војниците кои дејствуваат во Газа.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.