Свет
Обама го разреши генералот Меккристал командант на штабот во Авганистан
Американскиот претседател во среда го разрешил од должноста командант на американските и силите на НАТО во Авганистан, генералот Стенли Меккристал, јави телевизиската мрежа MSNBC News, додека според изјавата на Обама станува збор за оставка на генералот
Американскиот претседател Барак Обама ја прифатил оставката на генерал Стенли Меккристал од должноста командант на силите на САД и НАТО во Авганистан и на негово место го назначил генерал Дејвид Петраус, пренесоа светските агенции.Во изјава од градината на Белата куќа, Обама одлуката ја нарекол правилен чекор од гледна точка на националната безбедност на САД, иако признал дека оставката ја прифаќа со големо жалење, пренесуваат американските медиуми.
Меѓутоа, претходно неименувани извори од Пентагон известија дека станува збор за изнудена оставка, односно разрешување на генералот Меккристал. „Претседателот Барак Обама на денешниот состанок во Белата куќа го разреши од заповедништвото генералот Меккристал“, пренесе MSNBC News повикувајќи се на изјава од американски функционер во Пентагон.Во Белата куќа во среда се одржа седница за стратегијата на САД во Авганистан, која почнала без генералот Стенли Меккристал, кој претходно имал посебна средба насамо со претседателот Обама. Мекристал дошол во Белата куќа и имал полчасовен разговор во четири очи со Обама за неговите коментари и потоа од новинарите бил забележан како заминува со комбе, но не бил виден и дека се враќа на состанокот за стратегијата на која требало да присуствува како командант на американските сили во Авганистан, пренесува телевизијата.Директна причина за смената на Меккристал се неговите омаловажувачки коментари за највисоките функционери во американската администрација кои биле објавени во написот со наслов „Одметнатиот генерал“ објавен во последното издание на магазинот Rolling Stone.Претседателот Обама одлучил генералот Дејвид Петраус, актуелен командант на американскиот Централен штаб (CENTCOM) кој е надлежен за Блискиот Исток, да ја преземе командата над американските сили во Авганистан, додава MSNBC News повикувајќи се на истите неименувани извори.Како што наведуваат американските медиуми кои ја пренесуваат информацијата на телевизијата, се очекува многу скоро овие одлуки да ги соопшти за медиумите претседателот Обама.Во вторник навечер во видеоконференцискиот разговор што авганистанскиот претседател Хамид Карзаи го водел со Обама, тој изразил доверба во генералот Меккристал, изјави во среда портпаролот на авганистанскиот претседател, Вахед Омар. Скандалот со омаловажувањето во изјавите на Меккристал и на неговите соработници за високите функционери во државната администрација се јави во многу критичен момент за војната во Авганистан, точно пред почетокот на офанзивата на меѓународните сили на Кандахар, кој е главното упориште на талибаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум Палестинци загинаа, а 32 се ранети во израелски бомбардирања
Седум Палестинци загинаа, а најмалку 32 се ранети во израелско бомбардирање на блокираниот Појас Газа, јавува дописникот на ВАФА.
Тој рече дека израелските воени авиони извршиле серија воздушни напади врз северните и западните делови на бегалскиот камп Нусејрат, при што загинале четворица Палестинци, а 15 други се ранети.
Тој додаде дека израелски воени авиони извршиле три воздушни напади врз населбата Заитун во Газа, при што загинале три лица, а десет се ранети.
Борбени авиони го нападнаа и градот Џабалија и бегалскиот камп во северниот појас, при што беа повредени седум лица, меѓу кои три деца.
Во меѓувреме, израелската артилерија ги гранатираше бегалските кампови Ал-Буреј и Ал-Магази во централниот појас, населбите Тал ал-Хава, Шеик Ијлин и аз-Зајтун во градот Газа, како и кулата Шеик Зајед во Беит Лахиа.
Во јужната зона, артилерија нападна цивилни куќи во источниот дел на градот Кан Јунес.
Свет
ОН: Отстранувањето на експлозивните направи во Газа ќе трае 14 години
Канцеларијата на Обединетите нации за координација на хуманитарни прашања (OCHA) соопшти дека отстранувањето на бомбите и другите видови неексплодирани убојни средства во Газа може да потрае 14 години.
Според проценките на ОН, за време на војната низ Газа биле создадени 37,5 милиони тони урнатини, а поголемиот дел од нив бил расфрлан со бомби и други видови муниција кои не експлодирале, пишува ТАСС.
OCHA изјави дека околу два милиони луѓе, или половина од населението на Газа, нашле засолниште во Рафах, кои имаат потешкотии да пристапат до основните потреби како што се здравствена заштита, чиста вода и санитарни објекти.
Свет
Со возило удрил во куќа, па почнал да напаѓа луѓе со меч во Лондон, има повредени
Неколку лица, меѓу кои и двајца полицајци, се повредени во нападот што се случи во североисточен Лондон во близина на фреквентна станица на метрото.
Како што објави SkyNews, маж кој носел меч најпрво удрил со своето возило во куќа, а потоа со мечот ги повредил минувачите и полицајците кои се обиделе да го задржат.
Се се случило околу 7 часот утринава, а на терен се голем број полицајци.
Метро станицата Хаинолт веднаш била затворена, пренесува Телеграф.