Свет
Никој не ги ферма ревизорите

Иако обелоденија милионски проневери и го открија патот на народните пари по нелегалните трансакции на актуелните и на минатите политички гарнитури, досега речиси нема реакција од надлежните институции на ниту еден ревизорски извештај.
ВЛАСТА НЕЗАКОНСКИ ГИ ТРОШИ НАРОДНИТЕ ПАРИ
Иако обелоденија милионски проневери и го открија патот на народните пари по нелегалните трансакции на актуелните и на минатите политички гарнитури, досега речиси нема реакција од надлежните институции на ниту еден ревизорски извештај. Нема политичар кривично казнет по завршен судски процес поведен поради наодите во извештаите на Државниот завод за ревизија, изјавуваат и одговорните, но признаваат и политичарите. Сите се прашуваат дали оваа институција воопшто треба да постои.
Последен годишен извештај со наодите на државните ревизори е оној за работата на државните институции во 2004 година, кога тие незаконски потрошиле 2,2 милијарди денари. Иако стигна во Собранието, извештајот не беше ставен на дневен ред. Тој откри дека 41 државна институција незаконски ги трошеле парите. Раководствата на седум институции затаиле 700.000 евра предвидени за плати, даноци и за придонеси. Дури 26 фирми непрописно или воопшто не извршиле попис на средствата за работа, вредни 17,5 милиони денари.
– Извештаите што комисијата за финансирање и буџет ги подготвуваше токму за таа цел воопшто не беа ставени на дневен ред, и покрај тоа што ние инсистиравме. Но, тоа не единствениот проблем. За наодите на ревизорите воопшто не реагираат и институциите што се надлежни за тоа, особено јавниот обвинител Александар Прчевски, од кого баравме и оставка – изјави Жарко Караџоски, пратеник од ВМРО-НП.
Тој вели дека власта намерно одбегнува расправа за извештаите и за заклучоците од годишниот извештај, а одговорните ненаменски потрошиле над 200 милиони евра.
Независни експерти велат дека е погрешна досегашната практика што речиси сите извештаи ги смести само во рамките на партиските препукувања. Некои политичари признаваат дека не ги засегаат наодите во ревизорските извештаи, а некои сметаат оти Државниот завод за ревизија бадијала постои.
– Се одвојува значителен дел од буџетските пари за таа државна институција, а ефектите од работата се незабележителни. Нелогично е што институцијата прави ревизии на органи што ја финансираат и поради тоа нема логика да постои ваков завод – вели Иван Атанасовски, пратеник од НСДП.
Тој ги читал извештаите и речиси сите откривале низа нерегуларности, но во Собранието ретко кој се интересира да дискутира по наодите.
Неми останаа институциите и на ревизорските извештаи што годинава ги објави заводот за работата на државните органи во минатата година. Последниот откри дека владините трошења за големи инфраструктурни објекти се на работ на легалноста. Владата потрошила 4,5 милиони евра со одлуки што не смеела да ги носи без одобрение од Собранието.
Обвинителот Прчевски моментно е на пат во Америка, но од обвинителството и порано не даваа точна бројка за тоа колку од наодите на ревизорите доживеале своевиден епилог. Единствениот одговор што го даваше обвинителот е дека предметите се проучуваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Планирале државен удар во Германија: под истрага неколку лица

Сојузниот јавен обвинител во Германија започна истрага против неколку лица под сомнение дека се членови на терористичка организација и дека подготвувале сериозно кривично дело насочено против уставниот поредок, соопшти денес Сојузното обвинителство.
Како што е наведено, осомничените планирале насилно соборување на германската држава и воспоставување сопствен државен систем.
Групата е поврзана со таканаречените „Рајхсбургери“ околу принцот Хајнрих XIII, чии водечки членови беа уапсени во декември 2022 година.
Како дел од истрагата, идентификувани се нови осомничени кои наводно ја поддржувале групата или учествувале во подготвителни активности, соопшти баварската полиција.
Поради ова, баварската криминалистичка полиција, под надзор на Обвинителството во Минхен, започна истрага против шест лица.
Денес, во раните утрински часови, беа извршени претреси на осум локации, четири во Баварија, три во Саксонија и една во Тирингија.
Осомничените се пет мажи и една жена, на возраст меѓу 40 и 61 година, прецизираше полицијата.
Обвинителството соопшти дека, поради тековната истрага, во моментов не може да даде дополнителни информации и нагласи дека осомничените се сметаат за невини.
Свет
Кремљ: Договорено место за средба меѓу Трамп и Путин

Местото на средбата меѓу Путин и Трамп е договорено и ќе биде објавено малку подоцна, изјави Јуриј Ушаков, помошник на претседателот на Русија, пренесуваат медиумите во регионот.
„На предлог на американската страна, во принцип беше договорено во наредните денови да се одржи билатерална средба на највисоко ниво, односно средба меѓу претседателот Владимир Путин и Доналд Путин“, рече дипломатот.
„Сега, заедно со нашите американски колеги, почнуваме да работиме на конкретни прашања“, додаде Ушаков, пренесува новинската агенција ТАСС.
Свет
„Политико“: Хакиран американскиот судски систем, компромитирани доверливи податоци

Електронскиот систем за поднесување судски предмети на федералното судство на САД беше цел на голем кибер напад, за кој се сомнева дека довел до компромитирање на доверливи податоци во неколку федерални држави, пренесува „Политико од извори запознаени со инцидентот.
Нападот, кој досега не беше објавен, би можел да го загрози идентитетот на доверливи сведоци и соработници во кривични постапки пред неколку федерални судови, според истите извори, кои зборуваа под услов на анонимност, пишува медиумот.
Според нив, Канцеларијата за управување со судовите на САД (AOUSC) прво го утврди обемот на безбедносниот инцидент на почетокот на јули, но сè уште се обидува да го утврди целосниот обем на штетата во соработка со Министерството за правда и локалните судови.
Фото: принтскрин