Свет
Хронично се гладни 166 милиони луѓе од 22 земји во светот
Околу 166 милиони луѓе во 22 земји патат од хронична глад или имаат потешкотии да обезбедат храна, стои во извештајот на Агенцијата на ОН за храна и земјоделство (FAO) и Светската програма за храна (WFP).
Околу 166 милиони луѓе во 22 земји патат од хронична глад или имаат потешкотии да обезбедат храна, стои во извештајот на Агенцијата на ОН за храна и земјоделство (FAO) и Светската програма за храна (WFP).
Војните, природните катастрофи и лошото владино владеење доведоа до состојба на перманентна неухранетост во 22 земји во светот, пренесува Бета.
Меѓу нив се Авганистан, Хаити, Ирак, Сомалија, Судан, Ангола, Бурунди, Чад, Северна Кореја, Брегот на слонова коска, Либерија, Сиера Леоне, Таџикистан, Уганда, Етиопија, Гвинеја, Кенија, Зимбабве, Конго, Чад, Демократска Република Конго, и Централна Африканска Држава.
„Продолжената криза може да се претвори во затворен круг. Опоравувањето на економиите станува сè потешко, а времето си тече“, оценија во извештајот FАО и WFP.
Официјални лица од ОН пресметале дека на едно возрасно лица дневно му се потребни најмалку 1.800 калории за да функционира со минимум сила. Секој кој зема под таа количина автоматски може да се смета за неухранет или пак хронично гладен.
Според FАО и WFP потребно е целта на борбата против глад долгорочно да се насочи кон примена на програми водот кон тоа дека човекот мора да заработува и да живее нормално од неговата заработка./крај/бе/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ученик донел бомба во училиште во БиХ
Полициските службеници од Полициската администрација Приедор дејствувале по пријава на директорот на основното училиште „Петар Петровиќ Нјегош“ во близина на Приедор, дека од страна на просветен работник на тоа училиште била одземена рачна бомба од еден ученик.
Постапувајќи по пријавата, полицајците утврдиле дека се работи за бомбата „М75“ (т.н. црна бомба) без почетен дел за детонација, и како таква се смета за неупотреблива и не може да биде опасност.
За настанот бил информиран и Окружниот јавен обвинител на Приедор под чиј надзор ќе се преземаат понатамошни мерки и активности.
Информациите за споменатиот настан ќе бидат доставени до Центарот за социјална работа Приедор, пренесуваат медиумите во регионот.
Свет
ОН ги повикуваат сите земји да ја признаат Палестина
Група експерти на Обединетите нации денеска ги повикаа сите земји да ја признаат палестинската држава за да се постигне мир на Блискиот Исток.
Повикот доаѓа по една недела во која Шпанија, Ирска и Норвешка официјално ја признаа палестинската држава, што го налути Израел, кој стана се повеќе изолиран на меѓународно ниво поради војната во Газа.
Експертите, вклучително и специјалниот известувач на ОН за човекови права на палестинските територии, рекоа дека признавањето на палестинската државност е важно за правата на палестинскиот народ и неговите напори за слобода и независност.
„Тоа е предуслов за траен мир во Палестина и на целиот Блиски Исток и започнува со итно објавување на прекин на огнот во Газа и запирање на натамошните воени упади во Рафа“, нагласија тие.
„Решението за две држави останува единствениот меѓународно договорен пат кон мир и безбедност и за Палестина и за Израел и е излез од генерациските циклуси на насилство и гнев“.
Со нивното признавање, Шпанија, Ирска и Норвешка сакаат да го забрзаат постигнувањето мир во Газа. Трите земји изразија надеж дека тоа ќе го забрза признавањето на другите западни земји. Данскиот парламент подоцна одби да го стори тоа, а Словенија ќе го разгледа во вторник. Израел се противи на признавањето на Палестина, тврдејќи дека тоа го зајакнува Хамас.
Свет
Шефот на Ербас: Проблемите на Боинг се товар за целиот сектор
Проблемите со безбедноста и квалитетот на американскиот производител на авиони Боинг би можеле да ја разнишаат довербата на патниците во воздушниот транспорт, предупреди извршниот директор на европскиот конкурент Ербас.
„Проблемите во Боинг се товар за целиот сектор“, изјави извршниот директор на бизнисот со комерцијални авиони на Ербас, Кристијан Шерер, за германскиот деловен неделник WirtschaftsWoche.
„Поради проблемите на Боинг, луѓето ќе почнат да ја доведуваат во прашање безбедноста на летањето“, објасни Шерер.
Боинг повторно е под лупа откако авионот од серијата 737 MAX остана без врата на летот на Алјаска ерлајнс на почетокот на годината. Пред пет години, регулаторите ширум светот го повлекоа Боинг 737 MAX поради две тешки несреќи во кои загинаа 346 луѓе.
Шефот на европскиот производител на авиони тврди дека не планираат да ја искористат можноста за поскапување на авионите.
„Ги зголемуваме цените само кога побарувачката ја надминува понудата“, рече Шерер, додавајќи дека е тешко да се предвиди како ќе се развиваат работите.
„Би рекол дека конкурентот во неволја може да се однесува релативно непредвидливо. Доколку, поради неповолни околности, авионите се натрупаат во неговите хангари, тој може да се одлучи на распродажба“, објасни шефот на Ербас.