Свет
Руската опозиција се понеобединета

Внатрешните несогласувања на руската опозиција се продлабочија откако клучните опозициски фигури и активистите за човекови права повторно не успеаја да се договорат за заедничките услови под кои би аплицирале за дозвола да одржат протестен собир на 31 јануари на московскиот плоштад „Триумфалнаја“, пренесува Риа НовостиОпозицијата се обидува да одржи протестен митинг на последниот ден на секој месец кој има 31 ден, со барање властите да го почитуваат членот 31 од рускиот Устав, кој гарантира слобода на собирање.Барањата да се дозволат протестите беа без исклучок отфрлани од поранешниот градоначелник Јуриј Лужков. Откако беше сменет, неговиот наследник Сергеј Собјанин ги одобри протестите во октомври и во декември, но за многу помал број на демонстранти отколку што беше побарано. Од тогаш, опозициските лидери не можат да се договорат како да продолжат со протестите.Активистот за човекови права Лев Пономарјов, лидерот на московскиот огранок на Хелсиншкиот комитет Људмила Алексеева и лидерот на движењето Левичарски фронт Сергеј Удалцов поднесоа барање за протест на кој ќе учествуваат 1.500 луѓе, како што одобри градоначалникот. Истовремено, контроверзниот лидер на Другата руска партија, Едуард Лимонов и активистот на Левичарскиот фронт Константин Косјаков, поднесоа друго барање, во кое инсистираат да се одобри присуство на 2.500 луѓе, што тешко ќе биде одобрено. Ваквиот гест веднаш предизвика реакции од опозиционерите кои се прилагодија кон условите на градоначалникот.„Лимонов мрази протестни собири кои се одобрени од власта“, напиша на својот блог Људмила Алексеева. Уште едно опозициско движење „Солидарност“, најави дека ќе учествува и на двата собирни протести, за на тој начин да се обидат да ја поттикнат опозицијата да се обедини. На 31 декември во Москва се одржаа два протестни митинзи. Околу 70 луѓе, меѓу кои и Косјаков, Лимонов и поранешниот премиер Борис Немцов, беа уапсени и осудени на затворски казни од 10 до 15 дена. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.