Свет
Нова експлозија во нуклеарката Фукушима
Нова експлозија се случи денеска во 11 часот по локално време во нуклеарната централа Фукушима Даичи, кај реакторот број 3.
Нова експлозија се случи денеска во 11 часот по локално време во нуклеарната централа Фукушима Даичи, кај реакторот број 3.
Владиниот портпарол потврди дека реакторот не е оштетен и дека дошло до експлозија на водород, слично како и кај реакторот број 1 во саботата.
Експлозијата се случи по соопштението од компанијата дека радијацијата што ја испушта реакторот е зголемена и дека расте притисокот внатре во реакторот. Граѓаните што живеат во радиус од 20 километри околу централата, а не беа евакуирани, предупредени се да не излегуваат од дома поради зголемена радијација.
Властите додаваат дека обвивката на реакторот, како и контролната соба не се оштетени.
Тројца работници се повредени, а седум се водат како исчезнати.
Неколку часа по експлозијата кај реакторот број 3, почнаа проблеми и со реакторот број 2. Ројтерс јавува дека започнува акција за испуштање на водородот од реакторот број 2.
Агенцијата Кјодо и јапонската телевизија јавуваат дека на само 30 километри од Фукушима Даичи експлодирал резервоар со гориво. Агенцијата Јиџи јавува дека откажал и системот за ладење на реакторот 2 во Фукушима. /крај/рој/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.