Илјадници Сиријци протестирале во петокот во многу градови во земјата за да го поддржат бунтот кој со сила го задушува режимот на претседателот Башар ал-Асад, и покрај тоа што канцеларијата специјалниот пратеник за Сирија, Кофи Анан објави дека власта го спроведува неговиот мировен план.

Меѓутоа, САД и Франција, поради спорадичните судири кои продолжуваат, уште еднаш изразија сомневање во волјата на режимот на сирискиот претседател Башар ал-Асад да се придржува до прекинот на огнот како една од главните точки на мировниот план на специјалниот претставник за Сирија на Обединетите нации и на Арапската лига, поранешниот генерален секретар на ОН, Кофи Анан.

Како што соопшти опозициска невладина организација, владините сили убиел десет цивили, меѓу кои и брачна двојка и нивното дете, во градовите Алепо, Хомс, и Хама, и покрај присуството на воените невооружени набљудувачи на ОН.

Како и секој март почнувајќи од март 2011 година, илјадници демонстранти се одѕвале на повикот на опозициските активисти искажувајќи поддршка на бунтот против режимот под мотото „нашата лојалност на револуцијата е нашиот спас“.

Според информации на опозициските активисти, во четвртокот владините сили извршиле напад врз универзитетскиот кампус во градот Алепо, убивајќи четири студенти и апсејќи околу 200, по протестите против режимот, прекинувајќи ја наставата до 13-ти мај.

За САД „ваквото делување, денеска вообичаено, јасно ја покажуваат незаконитоста на тој режим, и ја истакнува потребата од политички промени“, во Сирија каде што семејниот клан Асад доминира четири децении.

„Доколку режимот продолжи на вакво начин, меѓународната заедница ќе мора да ги признае поразот“ и да разгледа други мерки.

Официјален Париз коментира дека „Дамаск не ги почитува своите обврски и продолжува со репресијата“.

Портпаролот на Кофи Анан во Женева, пак, изјави дека планот „се спроведува“. „Кризата којашто очна пред повеќе од една година, не може да се реши за еден ден или седмица“, вели истакнувајќи Анан ќе го извести советот за безбедност на ОН за спроведувањето на мировниот план на 8-ми мај со видео-линк од Женева.

Според процените на Сириската опсерваторија за човекови права со седиште во Лондон, од стапувањето на сила на прекинот на огнот, загинале околу 600 лица, претежно цивили./крај/хи/сн